ကိုယ်အားနေတဲ့အချိန်မှာ ဘာမှမလုပ်ပဲ အိပ်လိုက်၊ စားလိုက်၊ ရုပ်ရှင်ကြည့်လိုက်နဲ့ အနားယူနေတာထက်စာရင် တစ်ခုခုအကျိုးရှိအောင်လုပ်လိုက်တော့ ကိုယ့်အတွက် အများကြီးကောင်းတာပေါ့။

စာအုပ်ဖတ်ပါ

ဗဟုသုတတိုးပွားစေမယ့်၊ ဘဝအတွက်အကျိုးရှိစေမယ့် စာအုပ်တွေ၊ စိတ်ဓာတ်ခွန်အားဖြစ်စေမယ့် စာအုပ်တွေကို များများဖတ်ပါ။ ဒီလိုစာအုပ်တွေဖတ်ရင် စိတ်ဓာတ်ပိုင်းဆိုင်ရာနဲ့ အတွေးအခေါ်အယူအဆတွေ အများကြီး တိုးတက်ပြောင်းလဲလာပါလိမ့်မယ်။

လေ့ကျင့်ခန်းလုပ်ပါ

ကျန်းမာရေးကောင်းပြီး လှပဖို့အတွက် အားတဲ့အချိန်မှာ လေ့ကျင့်ခန်းလုပ်ပါ။ Gym မသွားနိုင်ရင် အိမ်မှာပဲ ကိုယ့်ဘာသာကိုလုပ်လို့ရပါတယ်။

ယောဂကျင့်ပါ

ယောဂကျင့်ရင် စိတ်တည်ငြိမ် အေးချမ်းစေတယ်။ ကျန်းမာရေးအတွက်လည်း အထောက်အကူဖြစ်တယ်။ စိတ်ဖိစီးမှုတွေလည်း လျော့ကျစေလို့ အားတဲ့အချိန်မှာ ယောဂကျင့်ပါ။

ဘာသာစကားတစ်ခုခုကိုလေ့လာပါ

အားတဲ့အချိန်မှာ ကိုယ့်ဘဝအတွက် အကျိုးရှိစေမယ့်အရာကို လုပ်ချင်တယ်ဆိုရင်တော့ ဘာသာစကားတစ်ခုကို လေ့လာပါ။ သင်တန်းမတက်နိုင်ရင်တောင်၊ တက်ဖို့အချိန်မပေးနိုင်ရင်တောင် အိမ်မှာပဲ ဖုန်းတစ်လုံးနဲ့ လေ့လာလို့ရတဲ့ နည်းလမ်းတွေ အများကြီးရှိပါတယ်။

Photo Source: www.freepik.com