ဓာတ်ပုံရိုက်ရတာကိုဝါသနာပါပြီး အရပ်ပုတဲ့သူတွေအတွက် ဒီတစ်ခါမှာတော့ အရပ်ရှည်သလိုဖြစ်သွားစေမယ့် ပို့စ်ပေးနည်းတွေကို မျှဝေပေးလိုက်ပါတယ်။

ဓာတ်ပုံရိုက်ပြီဆိုရင် ပုံထွက်ကောင်းဖို့က ပို့စ်ပေးတဲ့သူပေါ်မှာ မူတည်သလို၊ ရိုက်ပေးတဲ့သူပေါ်မှာလည်း တစ်ဝက်လောက် မူတည်ပါတယ်။ ရိုက်ပေးတဲ့သူက ကင်မရာကို အပေါ်စီးကရိုက်မယ်ဆိုရင်တော့ ခေါင်းကြီးကိုယ်သေးနဲ့ ကြည့်ရဆိုးစေပါတယ်။ အရပ်လည်း ပိုပုသလို ဖြစ်သွားစေပါတယ်။ ကင်မရာကို Body တည့်တည့်ချိန်ရိုက်ရင်လည်း အရပ်ပိုပုသလို ဖြစ်စေပါတယ်။

ဒါကြောင့် အရပ်ရှည်အောင်၊ ပုံထွက်ပိုမိုက်အောင်၊ လှအောင်ရိုက်ချင်တယ်ဆိုရင် ကင်မရာကို အောက်ကနေ နည်းနည်းပင့်ပြီး ရိုက်ပေးဖို့ လိုပါတယ်။ ပို့စ်ပေးတဲ့သူကလည်း နေတဲ့ပုံစံ၊ ပို့စ်အနေအထားမမှန်ရင် မလှပါဘူး။ ဒါကြောင့် အရပ်ရှည်သလိုဖြစ်သွားစေမယ့် ပို့စ်ပေးနည်းတွေကို သေချာကြည့်ထားပြီး ပို့စ်ပေးတတ်မယ်ဆိုရင်တော့ Perfect ဖြစ်တဲ့ ပုံကောင်းတွေကို ရရှိမှာပါ။

photo source: www.pinterest.com