မိန်းကလေးတွေအပိုဝင်ငွေရအောင်လုပ်ကြည့်သင့်တဲ့လုပ်ငန်းတချို့

အခုခေတ်မှာ တော်တော်များများက ကိုယ်ပိုင်စီးပွားရေးကို တစ်နိုင်တစ်ပိုင်လေး လုပ်နေကြပါပြီ။ ဒီလိုအချိန်မှာ မိန်းကလေးတွေအနေနဲ့လည်း ကိုယ်တတ်နိုင်တဲ့ဘက်ကနေ၊ ကိုယ်ဝါသနာပါတာလေးတွေကို ထပ်လုပ်ရင်းနဲ့ အပိုဝင်ငွေရှာပြီး ငွေစုသင့်ပါတယ်။ ဒါကြောင့် မိန်းကလေးတွေအနေနဲ့ အပိုဝင်ငွေရအောင် လုပ်ကြည့်သင့်တဲ့လုပ်ငန်းတချို့ကို ဖော်ပြပေးလိုက်ပါတယ်။

အွန်လိုင်းရှော့ပင်း

အွန်လိုင်ရှော့ပင်းအလုပ်ကတော့ လုပ်တဲ့သူလည်း အရမ်းများနေပါပြီ။ ဒီမှာမှ အဝတ်အစားပိုင်း၊ အလှအပဆိုင်ရာပိုင်းကို ကိုယ်အဆင်ပြေသလို စပြီးလုပ်ကြည့်ပါ။ နည်းနည်းလေးကနေစလုပ်ကြည့်ပြီး နောက်ပိုင်းမှာ ပိုတိုးပြီးလုပ်လို့ရပါတယ်။

အစားအသောက်လုပ်ရောင်းခြင်း

အခုက အစားအသောက်ခေတ်ဆိုတော့ အစားအသောက်တွေလုပ်ပြီး ကိုယ့်အကောင့်မှာ တင်ရောင်းတာမျိုး စလုပ်ကြည့်ပါ။ အောင်မြင်လာရင် Page သီးသန့်ထောင်ပြီး ပိုအကျယ်ချဲ့လုပ်လို့ရပါတယ်။

Photographer

တချို့မိန်းကလေးတွေဆိုရင် ဓာတ်ပုံရိုက်ရတာ ဝါသနာပါကြတယ်။ ဒီလို ဓာတ်ပုံအရိုက်ခံရတာမဟုတ်ပဲ ဓာတ်ပုံရိုက်ရတာကို ဝါသနာပါတယ်ဆိုရင် သေချာလေ့လာပြီး သူငယ်ချင်းတွေကို စမ်းရိုက်ပေးကြည့်ပါ။ နောက်ပိုင်းမှာ အသိတွေကတစ်ဆင့်သိပြီး fees နည်းနည်းနဲ့ စလုပ်ကြည့်လို့ရပါတယ်။

Freelancer

Social Media နဲ့ပတ်သက်တဲ့ Freelancer အမျိုးမျိုးကိုလုပ်ပြီးတော့လည်း မိန်းကလေးတွေအနေနဲ့ အပိုဝင်ငွေရှာလို့ရပါသေးတယ်။

Photo Source: www.freepik.com