မိုးရာသီအပြင်သွားတဲ့အခါမှာ မိန်းကလေးတိုင်းရဲ့အိတ်ထဲ အမြဲဆောင်ထားသင့်တဲ့ ပစ္စည်းတွေကို ပြောပြပေးလိုက်ပါတယ်။ တစ်ခါတစ်လေကျရင် မေ့တတ်တာတွေလည်းရှိတာကြောင့် အရေးကြီးတဲ့ ဒီပစ္စည်းတွေကို အမြဲထည့်ထားသင့်ပါတယ်။
ထီး
ကိုယ်အပြင်သွားနေတဲ့အချိန်မှာ မိုးမရွာရင် ထီးယူဖို့မေ့ခဲ့တတ်ပါတယ်။ ဒါကြောင့် ခေါက်ထီးကို ကိုယ့်ပိုက်ဆံအိတ်ထဲ အမြဲထည့်ထားသင့်ပါတယ်။ ဒါကတော့ အရေးအကြီးဆုံးပါပဲ။
Wet tissue , Tissue
မိုးရာသီအပြင်သွားလို့ မိုးစိုတာ၊ ဗွက်ပေတာတွေ၊ မျက်နှာမှာရေစိုလို့ မိတ်ကပ်တွေမပျက်သွားအောင် သုတ်ဖို့အတွက် Wet tissue အထုပ်သေးလေးနဲ့ Tissue ထုပ်ကို အမြဲအိတ်ထဲထည့်ထားသင့်ပါတယ်။
နှုတ်ခမ်းနီ
မိုးအရမ်းသည်းရင် ရေစိုပြီး နှုတ်ခမ်းနီပျက်တာတွေဖြစ်တတ်လို့ အလှအပကြိုက်တဲ့ မိန်းကလေးတိုင်းကတော့ အိတ်ထဲမှာ နှုတ်ခမ်းနီထည့်ထားသင့်ပါတယ်။
Powder
မိုးရေစင်လို့ပဲဖြစ်ဖြစ်၊ မိုးရေစိုလို့ပဲဖြစ်ဖြစ် အလှမပျက်အောင်၊ မျက်နှာပြန်ပြင်လို့ရအောင် ကိုယ်သံုံးနေကျ Powder ကိုလည်း အိတ်ထဲဆောင်ထားသင့်ပါတယ်။
ရေမွှေး
မိုးရေစိုလို့ အဝတ်အစားတွေပါရေစိုကုန်ရင် တစ်ခါတစ်လေကျ ချွေးနံ့၊ ကိုယ်နံ့နဲ့ရောပြီး အင်္ကျီမခြောက်တဲ့အနံ့မျိုး ထွက်တတ်ပါတယ်။ ဒီလိုမဖြစ်ရအောင် ရေမွှေးကို အိတ်ထဲထည့်ပြီး ဆောင်ထားသင့်ပါတယ်။
ခေါင်းစည်းကြိုး
ကိုယ်သွားလာနေတုန်း မိုးအရမ်းရွာချရင် ဆံပင်တွေရေစိုကုန်ပါလိမ့်မယ်။ ဒီလိုမဖြစ်ရအောင် ဆံပင်ရေစိုတာ နည်းနည်းသက်သာအောင် ခေါင်းစည်းကြိုးဆောင်ထားပြီး ဆံပင်သာစည်းထားလိုက်ပါ။
လက်သုတ်ပုဝါ
မိုးမိလို့ ဆံပင်ရေစိုတာတွေကိုသုတ်ဖို့ လက်ကိုင်ပုဝါအသေးတစ်ထည်တော့ အိတ်ထဲဆောင်ထားသင့်ပါတယ်။
လက်သန့်ဆေး
မိုးရာသီဆိုရင် ဘတ်တီးရီးယားတွေက ပိုပြီးကပ်လွယ်တဲ့အတွက် လက်သန့်ဆေးအမြဲဆောင်ထားပြီး သုံးပေးပါ။
Mask
Covid ကာလမှာ Mask က မဖြစ်မနေတပ်ရတာဖြစ်တဲ့အတွက် မိုးမိလို့ Mask တွေစိုကုန်ရင် လဲလို့ရအောင် Mask အပိုတော့ အိတ်ထဲဆောင်ထားသင့်ပါတယ်။