ခြေဖဝါး၊ လက်ဖဝါး ချွေးအရမ်းထွက်တာကို ပျောက်အောင်လုပ်ပေးနိုင်မယ့်နည်းလမ်းကောင်း

တချို့ဆိုရင် ခြေဖဝါး၊ လက်ဖဝါးက ချွေးအရမ်းထွက်ပါတယ်။ ခြေဖဝါးဆိုလည်း ချွေးအရမ်းထွက်ရင် အရောင်နုနုဖိနပ်လေးတွေစီးလို့ အဆင်မပြေပါဘူး။ ခြေဆီစော်လည်းနံပါတယ်။ ဒါကြောင့် ခြေဖဝါး၊ လက်ဖဝါး ချွေးအရမ်းထွက်တာကို ပျောက်အောင်လုပ်ပေးနိုင်မယ့် အိမ်တွင်းဖြစ် နည်းလမ်းကောင်း ၅ မျိုးကို မျှဝေပေးလိုက်ပါတယ်။

ခရမ်းချဉ်သီး

ခရမ်းချဉ်သီးကို တစ်ခြမ်းလှီးပြီး အတွင်းသားနဲ့ လက်ဖဝါး၊ ခြေဖဝါးတွေကို ပွတ်တိုက်ပေးရုံနဲ့ ခြေဖဝါး၊ လက်ဖဝါး ချွေးအရမ်းထွက်တာကို ပျောက်စေပါတယ်။ နေ့တိုင်းလုပ်ပေးဖို့တော့ လိုပါတယ်။

Tea tree oil

ရေနွေးကို ပန်းကန်လုံးအသေးထဲထည့်ပြီး Tea tree oil – ၅ စက်ထည့်မွှေပါ။ ပြီးရင် ဂွမ်းလုံးစိမ်ပြီး အဲ့ဒီဂွမ်းလုံးလေးနဲ့ လက်ဖဝါး၊ ခြေဖဝါးတွေကို ပွတ်ပေးပါ။ ဒီနည်းလမ်းကိုလုပ်မယ်ဆိုရင်လည်း နေ့တိုင်းလုပ်ပေးရပါမယ်။

မုန့်ဖုတ်ဆိုဒါနဲ့ပြောင်းမှုန့်

မုန့်ဖုတ်ဆိုဒါနဲ့ပြောင်းမှုန့်ကို ဆတူရောပြီး လက်ဖဝါး၊ ခြေဖဝါးတွေကို ပွတ်ပေးရမှာပါ။ ဒီနည်းလမ်းကိုလည်း နေ့တိုင်းလုပ်ပေးမယ်ဆိုရင်တော့ ခြေဖဝါး၊ လက်ဖဝါး ချွေးအရမ်းထွက်တာ ပျောက်စေပါတယ်။

သံပယိုရည်

ရေတစ်ခွက်ထဲကို သံပယိုသီးတစ်လုံးကို အရည်ညှစ်ချပြီးမွှေပါ။ ပြီးရင် အဲ့ထဲကို အဝတ်တစ်ခုထည့်စိမ်လိုက်ပါ။ အဲ့ဒီစိမ်ထားတဲ့အဝတ်နဲ့ လက်ဖဝါး၊ ခြေဖဝါးတွေကို ပွတ်ပေးရမှာပါ။ ပွတ်ပြီးရင် မိနစ် ၂၀ ထားပြီးမှ ရေဆေးချလိုက်ပါ။ ဒီနည်းလမ်းကိုတော့ တစ်ပတ်မှာ ၂ ရက်လုပ်ပေးရုံနဲ့ ခြေဖဝါး၊ လက်ဖဝါး ချွေးအရမ်းထွက်တာကို ပျောက်စေပါတယ်။

Apple cider vinegar

ပန်းကန်လုံးအသေးထဲကို rose water – လက်ဖက်ရည်ဇွန်း ၁ ဇွန်းနဲ့ apple cider vinegar – လက်ဖက်ရည်ဇွန်း ၁ ဇွန်းထည့်မွှေပြီး လက်ဖဝါး၊ ခြေဖဝါးတွေကို စိမ်ပေးတာပဲဖြစ်ဖြစ်၊ ဂွမ်းလုံးနဲ့ ပွတ်ပေးတာပဲဖြစ်ဖြစ် လုပ်ပေးရမှာပါ။ တစ်ပတ်မှာ ၂ ရက်လုပ်ပေးရင်ပဲ ခြေဖဝါး၊ လက်ဖဝါး ချွေးအရမ်းထွက်တာ ပျောက်စေပါတယ်။