ဝိတ်တက်လာအောင်သင်ကိုယ်တိုင်ပြုလုပ်မိလေ့ရှိတဲ့အလေ့အကျင့်များ

အစားလည်းအရမ်းမစားပဲနဲ့ တဖြေးဖြေးဝိတ်တက်လာတာမျိုး ဖြစ်ဖူးကြမှာပါ။ ဒီလိုဝိတ်တက်လာတာတွေက သင်ကိုယ်တိုင်ပြုလုပ်မိလေ့ရှိတဲ့ ဒီအလေ့အကျင့်တွေကြောင့်လည်း ဖြစ်နေတတ်ပါတယ်။

အရမ်းအိပ်ခြင်း

အရမ်းအိပ်ပြီး oversleeping ဖြစ်နေရင်လည်း ဝိတ်တက်လာစေပါတယ်။ တစ်နေ့ကို ၁၀ နာရီထက်ပိုအိပ်ရင် ဝိတ်တက်စေပါတယ်။ အကောင်းဆုံးကတော့ ၈ နာရီ၊ ၉ နာရီပဲအိပ်တာ အကောင်းဆုံးပါ။ အိပ်ချိန်မှန်အောင် သေချာဂရုစိုက်သင့်ပါတယ်။ အိပ်ချိန်မမှန်ရင်လည်း ခန္ဓာကိုယ်က ဝိတ်အတက်အကျမမှန်တာမျိုး ဖြစ်တတ်ပါတယ်။

အစာစားပြီးထိုင်နေခြင်း

ထမင်းစားပြီးတိုင်း၊ ဗိုက်ပြည့်အောင် အစာတစ်ခုခုစားပြီးတိုင်းမှာ ထိုင်နေမယ်ဆိုရင် ဗိုက်အဆီ၊ ခါးအဆီတက်ပြီး ဝိတ်တက်စေပါတယ်။ ဒါကြောင့် အစာစားပြီးတိုင်းမှာ ၁၅ မိနစ်လောက် လမ်းလျှောက်ပေးတာမျိုး၊ မထိုင်ပဲ လှုပ်လှုပ်ရှားရှားနေပေးတာမျိုး လုပ်ရပါမယ်။

လှုပ်ရှားမှုနည်းခြင်း

ခန္ဓာကိုယ်က လှုပ်ရှားမှုနည်းပြီး တစ်ချိန်လုံးထိုင်လိုက်၊ အိပ်လိုက်နဲ့ဆိုရင်တော့ သိသိသာသာကို ဝိတ်တက်လာမှာပါ။ ဝိတ်မတက်ချင်ရင်တော့ အမြဲလှုပ်လှုပ်ရှားရှားနေတာမျိုး၊ လေ့ကျင့်ခန်းပုံမှန်လုပ်တာမျိုး လုပ်ပေးရပါမယ်။

မနက်စာစားတာနည်းခြင်း

မနက်စာ breakfast ကို လုံးဝအလွတ်မခံသင့်ပါဘူး။ နည်းနည်းလေးလည်းမစားရပါဘူး။ အာဟာရရှိအောင်ကို စားပေးရပါမယ်။ မနက်စာစားတာနည်းရင်၊ မနက်စာမစားရင် နေ့လည်စာနဲ့ ညစာကို ပိုစားဖြစ်တဲ့အတွက် ဝိတ်တက်စေပါတယ်။

ညမိုးချုပ်မှထမင်းစားခြင်း

ညမိုးချုပ်မှထမင်းစားတာကတော့ နည်းနည်းပဲစားစား၊ များများပဲစားစား ဝိတ်တက်ပြီး ဝလာစေပါတယ်။ အကောင်းဆုံးကတော့ ညနေ ၆ နာရီမကျော်ခင်မှာ ညစာစားပေးသင့်ပါတယ်။

photo source:www.freepik.com