ခရီးတစ်ခုသွားတော့မယ်ဆိုရင် ကားပေါ်မှာပဲဖြစ်ဖြစ်၊ ရထားပေါ်မှာပဲဖြစ်ဖြစ် သက်တောင့်သက်သာဖြစ်နေဖို့က အရမ်းကိုအရေးကြီးပါတယ်။ ခရီးသွားတဲ့အခါမှာ သက်တောင့်သက်သာမရှိတာတွေကို ဝတ်ဆင်မိမယ်ဆိုရင် နေရထိုင်ရတာလဲအဆင်မပြေသလို၊ အိပ်ပြီးလိုက်သွားတဲ့အခါမှာလည်း အဆင်မပြေတာတွေ ရှိတတ်ပါတယ်။
ဒါကြောင့် မိန်းကလေးတိုင်းအတွက် ခရီးသွားတဲ့အခါမှာ ဝတ်သွားဖို့အဆင်မပြေစေတဲ့ အဝတ်အစားတွေကို ပြောပြပေးလိုက်တယ်နော်။
ဂျင်းဘောင်းဘီအကျပ်
Source: www.pinterest.com
တော်တော်များများက ခရီးသွားပြီဆိုရင် လုံလုံခြုံခြုံလေးဖြစ်အောင်နဲ့ ကားပေါ်မှာအေးတဲ့အခါ အဆင်ပြေစေဖို့ ဂျင်းဘောင်းဘီကိုဝတ်ဆင်ကြတာ များပါတယ်။ ဂျင်းဘောင်းဘီအပွလေးတွေကို ဝတ်ဆင်တာကတော့ ဘာမှမဖြစ်ပေမယ့် ဂျင်းဘောင်းဘီအကျပ်ကို ဝတ်ဆင်မိတဲ့အခါမှာတော့ အဆင်မပြေတာ ဖြစ်တတ်ပါတယ်။ ခုံပေါ်ခြေထောက်တင်ထိုင်တဲ့အခါမျိုးနဲ့ ကွေးထိုင်တာမျိုးဆိုရင် ဂျင်းဘောင်းဘီအကျပ်က တံတောင်ကွေးတွေ နာပါတယ်။ အိပ်တဲ့အခါမှာလည်း ခြေထောက်တင်အိပ်ရင် နာတာမျိုးတွေဖြစ်ပြီး၊ လွတ်လပ်ပေါ့ပါးမှုမရှိစေပါဘူး။
အတိုအပြတ်
Source: www.pinterest.com
ဂျင်းဘောင်းဘီအတို၊ စကပ်အတို၊ ဂါဝန်အတို စတဲ့ အတိုအပြတ်တွေကလည်း ခရီးသွားတဲ့အခါမှာ ဝတ်သွားဖို့ အဆင်မပြေပါဘူး။ ဒီလိုအတိုအပြတ်တွေဝတ်မယ်ဆိုရင် နေရထိုင်ရတာလည်း အဆင်မပြေသလို၊ ကားပေါ်အိပ်တဲ့အခါမှာ အဆင်မပြေစေပါဘူး။ ခရီးသွားတဲ့လမ်းတစ်လျှောက်မှာ လွတ်လပ်ပေါ့ပါးပြီး နေရထိုင်ရတာ၊ အိပ်ရတာ အဆင်ပြေဖို့က ပိုအရေးကြီးပါတယ်။ ဒါကြောင့် ဝတ်မယ်ဆိုရင်တောင် စကပ်အရှည်၊ ဂါဝန်အရှည်နဲ့ လွတ်လပ်ပေါ့ပါးမှုရှိစေမယ့် ဘောင်းဘီအပွလေးတွေကို ဝတ်ဆင်ဖို့အကောင်းဆုံးပါ။
အရမ်းကျပ်လွန်းသောအဝတ်အစား
Source: www.pexels.com
အင်္ကျီပဲဖြစ်ဖြစ်၊ ဘောင်းဘီပဲဖြစ်ဖြစ်၊ စကပ်ပဲဖြစ်ဖြစ် အရမ်းကျပ်လွန်းတဲ့ Body Fit တွေကို ဝတ်မယ်ဆိုရင် ခရီးသွားတဲ့အချိန်မှာ အဆင်မပြေတာမျိုး ဖြစ်လေ့ရှိပါတယ်။ ထုံးစံအတိုင်းပဲ ခရီးသွားပြီဆိုရင် ကားနဲ့သွားကြတာများတော့ ကားပေါ်မှာ သက်တောင့်သက်သာရှိဖို့ ခပ်ပွပွလေးတွေကို ဝတ်ဆင်တာတော့ အကောင်းဆုံးပါပဲ။ အရမ်းကျပ်လွန်းတာတွေဝတ်မိရင် နေရတာအဆင်မပြေသလို၊ တစ်ခုခုစားပြီးတိုင်းမှာလဲ ပိုပြီးအဆင်မပြေဖြစ်တတ်ပါတယ်။
By MyStyle Myanmar
