လှပပြီးသွယ်လျတဲ့ခန္ဓာကိုယ်မျိုးကို လူတိုင်းကပိုင်ဆိုင်ချင်ကြတာပါပဲ။ ဒါပေမယ့် လိုက်နာသင့်တဲ့အရာတွေနဲ့ လုပ်သင့်တဲ့အရာတွေကိုတော့ သေသေချာချာမသိနေကြတာက များပါတယ်။ အလှအပဆိုရင် စိတ်ဝင်စားတဲ့ပျိုမေတို့အတွက် အံ့သြစရာကောင်းလောက်အောင် ဖန်တီးပေးနိုင်တဲ့ဒီအချက်တွေကို လိုက်နာမယ်ဆိုရင်တော့ လှပတဲ့ခန္ဓာကိုယ်ကို မပိုင်ဆိုင်စရာအကြောင်းမရှိပါဘူး။

ကြက်ဥများများစားပေးပါ

ပရိုတင်းဓာတ်တွေများစွာပါဝင်ပြီး ကယ်လိုရီဓာတ်နည်းတဲ့ ကြက်ဥအကာကိုစားသုံးပေးမယ်ဆိုရင်တော့ အဆီမရှိပဲသွယ်လျတဲ့ခန္ဓာကိုယ်ကို ပိုင်ဆိုင်လာရမှာပဲဖြစ်ပါတယ်။ သင်ရဲ့မနက်စာမှာ ကြက်ဥအကာသုံးလုံးကိုစားပေးမယ်ဆိုရင်တော့ တစ်နေ့တာလုံးအတွက် တစ်ခြားစားစရာတွေကို တောင့်တမှုကိုလျော့နည်းသွားစေမှာပဲဖြစ်ပါတယ်။

ရေနွေးကြမ်းများများသောက်ပေးပါ

ရေနွေးကြမ်းမှာလည်း ကဖင်းဓာတ်ကအနည်းငယ်ပါဝင်နေတာကြောင့် သင့်ခန္ဓာကိုယ်မှာ အဆီတွေဖြစ်တည်မှုကို ချေဖျက်ပေးနိုင်မှာပဲဖြစ်ပါတယ်။ လေ့ကျင့်ခန်းမလုပ်ခင်အချိန်မှာလည်း ရေနွေးကြမ်းကိုသောက်ပေးမယ်ဆိုရင် လေ့ကျင့်ခန်းလုပ်နိုင်စွမ်းကို တိုးမြင့်လာစေပါတယ်။

အသက်ပြင်းပြင်းရှုသွင်းပါ

အသက်ဝဝရှုတတ်တဲ့အကျင့်ကိုလည်း သင့်ဆီမှာရှိနေအောင်လေ့ကျင့်ပါ။ ခန္ဓာကိုယ်မှာ အောက်ဆီဂျင်ကပြည့်ဝစွာရှိနေမှ ကယ်လိုရီတွေကိုခြေဖျက်တဲ့အခါမှာ အထောက်အကူဖြစ်စေမှာလည်းဖြစ်ပါတယ်။ အစားမစားခင်အချိန်မှာ ၅ မိနစ်လောက် အသက်ဝဝရှုလိုက်မယ်ဆိုရင်တော့ စိတ်ကျေနပ်စရာကောင်းပြီး အဆီဓာတ်တွေကိုချေဖျက်မှုစနစ်လည်း တိုးလာစေမှာပါ။

လမ်းလျှောက်ပေးပါ

သင့်ရဲ့တစ်နေ့တာမှာ လမ်းလျှောက်တဲ့အလေ့အကျင့်လေးကိုလည်း မဖြစ်မနေထားပေးသင့်ပါတယ်။ တစ်နေ့ကို မိနစ် ၃၀ လောက်ပုံမှန်လျှောက်ပေးပြီး၊ နောက်ပိုင်းလျှောက်လာနိုင်ပြီဆိုရင် ပိုတိုးပြီးလျှောက်ပေးမယ်ဆိုရင်လည်း သင့်ခန္ဓာကိုယ်မှာရှိတဲ့အဆီတွေကို လောင်ကျွမ်းပြီးသားဖြစ်သွားမှာပါ။

ဒီအချက်တွေကို သင်ပုံမှန်လိုက်လုပ်မယ်ဆိုရင်တော့ သင့်ခန္ဓာကိုယ်မှာရှိနေတဲ့ မလိုအပ်တဲ့အဆီတွေကို ချေဖျက်ပြီးသားဖြစ်ပြီး သွယ်လျတဲ့ခန္ဓာကိုယ်ကို ပိုင်ဆိုင်လာရမှာပဲဖြစ်ပါတယ်။