ဆောင်းရာသီမှာ မိတ်ကပ်လိမ်းပြီးပြင်ဆင်တဲ့အခါ သုံးသင့်တဲ့အရာများ

ဆောင်းရာသီမှာ နည်းနည်းလေးအေးတာနဲ့ အသားခြောက်တာ၊ အသားပတ်တာတွေက ဖြစ်လေ့ရှိပါတယ်။ ဒီလိုဖြစ်လာရင် မိတ်ကပ်လိမ်းရတာ သိပ်မကောင်းတော့ပါဘူး။ မျက်နှာက ခြောက်သွေ့ပြီး မိတ်ကပ်လိမ်းရင်လည်း သိပ်မလှတာမျိုး ဖြစ်နေပါလိမ့်မယ်။ ဒါကြောင့် ဆောင်းရာသီမှာ မိတ်ကပ်လိမ်းပြီးပြင်ဆင်တဲ့အခါ သုံးသင့်တဲ့အရာတွေကို ပြောပြပေးလိုက်ပါတယ်။

Skincare သေချာလိမ်းပါ

မဖြစ်မနေသုံးရတာမှာကတော့ skincare ပါပဲ။ Toner, moisturizer အပြင် အသားခြောက်တဲ့သူတွေဆိုရင် serum တောင်မှ လိမ်းသင့်ပါတယ်။ အောက်ခံ skin က စိုစိုပြည်ပြည်ဖြစ်နေမှ မိတ်ကပ်သားလည်းလှမှာပါ။ မိတ်ကပ်လိမ်းရတာလည်း အဆင်ပြေမှာပါ။

Matte Type Foundation ရှောင်ပါ

အရေးကြီးတဲ့အချက်တစ်ခုကတော့ ဆောင်းရာသီမှာ matte type foundation တွေရှောင်ပါ။ ဆွဲရခက်ပြီး မိတ်ကပ်ကွက်တာတွေ cakey ဖြစ်တာတွေ ဖြစ်တတ်ပါတယ်။ ဆောင်းရာသီနဲ့ glow look, dewy look လေးကတော့ အကောင်းဆုံးပါပဲ။

Liquid Blusher သုံးပါ

Blusher ဆိုလည်း liquid blusher လေးတွေသုံးတာက ပိုလှပါတယ်။ စိုစိုပြောင်ပြောင်လေးဖြစ်ပြီး အသားခြောက်တာအတွက်လည်း အရမ်းကောင်းပါတယ်။

Lip Balm ဆိုးပါ

မဖြစ်မနေလုပ်ရမယ့်အရာကတော့ lip balm ဆိုးဖို့ပါပဲ။ နှုတ်ခမ်းနီဆိုးမယ်ဆိုလည်း lip balm ဆိုးပြီးမှဆိုးပါ။ ဆောင်းတွင်းမှာ နှုတ်ခမ်းခြောက်ပြီးကွဲတာတွေ ဖြစ်တဲ့အတွက် lip balm ကတော့ မရှိမဖြစ်ပါပဲ။

Lip Gloss ဆိုးပါ

Matte lipstick တွေဆိုးမယ့်အစား lip tint တွေ lip gloss တွေဆိုးတာက ဆောင်းရာသီအတွက် အကောင်းဆုံးပါပဲ။ Glow look ကြိုက်ရင်တော့ lip gloss က အကောင်းဆုံးပေါ့။ နှုတ်ခမ်းသား ခြောက်သွေ့တဲ့သူတွေအတွက်ဆိုလည်း lip gloss က ပိုအဆင်ပြေပါတယ်။

Facial Spray သုံးပါ