သူငယ်ချင်း မိတ်ဆွေ လုပ်ဖော်ကိုင်ဖက်တွေရဲ့ မင်္ဂလာဆောင်သွားတဲ့အခါ မရည်ရွယ်ဘဲ သင်လုပ်မိတဲ့ တချို့အရာလေးတွေက ပွဲပိုင်ရှင်တွေအတွက် စိတ်အနှောင့်အယှက်ဖြစ်သွားစေတတ်ပါတယ် ။ ဒါက တော်တော်ဆိုးတာမလို့ သူငယ်ချင်းမင်္ဂလာဆောင်သွားတဲ့အခါ ဒီအချက်တွေကို ရှောင်သင့်ပါတယ်။
အာရုံစိုက်ပါ
မင်္ဂလာပွဲဆိုတာက လူနှစ်ယောက်ရဲ့ကတိကဝတ်တွေကို သက်သေခံဖို့ ဖိတ်ထားတာမလို့ သူတို့ကို အာရုံစိုက်ပေးပါ။
အကြာကြီးမနှုတ်ဆက်ပါနဲ့
သတို့သား ၊ သတို့သမီးက သင့်ကိုလာနှုတ်ဆက်တဲ့အခါ အချိန်အကြာကြီးမယူပါနဲ့။ သူတို့မှာ နောက်ထပ်ဧည့်ခံရမယ့် ဧည့်သည်တွေရှိပါသေးတယ်။
ထိုင်ခုံမပြောင်းပါနဲ့
မင်္ဂလာဆောင်မှာ Seating Plan လုပ်ပေးထားရင် သင့်သဘောနဲ့သင်မပြောင်းပါနဲ့ ။ ဒါက သူတို့ အချိန်ပေးစီစဥ်ထားရတာမလို့ သက်မှတ်ပေးထားတဲ့နေရာမှာဘဲ ထိုင်ပေးပါ။
အများကြီးမသောက်ပါနဲ့
မင်္ဂလာပွဲကို ဂုဏ်ပြုတဲ့အနေနဲ့ သောက်ကြတဲ့အခါမှာ တချို့က အများကြီးသောက်မိတတ်ပါတယ်။ အရက်မူးနေတာကို ဘယ်သူမှ မကြိုက်ကြတဲ့အတွက် သတိနဲ့နေပါ။
အစားအသောက်ကိုမဝေဖန်ပါနဲ့
သတို့သမီးနဲ့ သတို့သားဟာ အစားအသောက်မီနူးကို စမ်းမြည်းဖို့အတွက် အချိန်ပေးရွေးထားရတာမလို့ မကြိုက်ရင်တောင် မဝေဖန်ပါနဲ့။
Dress Code ကို လျစ်လျူမရှုပါနဲ့
တချို့မင်္ဂလာဆောင်တွေမှာက Dress Code ကို သက်မှတ်လေ့ရှိပါတယ်။ ဒါကိုအလေးမထားဘဲ အဆင်ပြေသလိုဝတ်တာက သတို့သား ၊ သတို့သမီးကို အလေးမထားရာရောက်တာမလို့ မင်္ဂလာဆောင်ဖိတ်စာမှာ Dress Code ပါလာခဲ့ရင် ဒါကို လျစ်လျူမရှုပါနဲ့ ။
