လေ့ကျင့်ခန်းလုပ်တော့မယ့် မိန်းကလေးတိုင်းအတွက် Sports Bra က မရှိမဖြစ်လိုအပ်ပါတယ်။ ဒါကြောင့် Sports Bra ဝယ်တော့မယ်ဆိုရင် ဒီအချက်တွေ ထည့်စဉ်းစားပြီးမှဝယ်ပါ။

မိန်းကလေးတိုင်းက တစ်ယောက်နဲ့တစ်ယောက် ရင်သားပုံစံမတူတာမလို့ Sports Bra မဝယ်ခင် ပထမဆုံးလုပ်ရမှာက ကိုယ့်ရင်သားဆိုဒ်ကို မှန်မှန်ကန်ကန်သိအောင် လုပ်ပါ။

Full Coverage Bra က ရင်သားကို အပြည့်အဝကာပေးပြီး လေ့ကျင့်ခန်းလုပ်ချိန်တစ်လျှောက် သက်တောင့်သက်သာရှိစေပါတယ်။ ဒါကြောင့် ခွက်အပြည့်ပါတဲ့ Full Coverage Bra ကို သေချာရွေးဝယ်ပါ။

သင်က ရင်သားသေးတယ်ဆိုရင် Compression Sports Bra ကိုရွေးပါ။ ရင်သားကြီးတယ် ဒါမှမဟုတ် ပြင်းတဲ့လေ့ကျင်းခန်းမျိုး လုပ်မယ်ဆိုရင် Encapsulated Sports Bra ကို ရွေးပါ။ 100% support ပေးပြီး နှစ်ခုလုံးအတွက်အဆင်ပြေချင်ရင် Combination Sports Bra ကို ရွေးပါ။

လေ့ကျင့်ခန်းလုပ်တဲ့အခါ ချွေးထွက်များတာမလို့ ရေစိုခံ ချွေးစိုခံတာမျိုး ရွေးပါ။

ယောဂ ဒါမှမဟုတ် Pilates အတွက်ဆို Low-impact Bra ကို ရွေးပါ။ Cardio ဒါမှမဟုတ် ပြင်းလွန်းတဲ့လေ့ကျင့်ခန်းမျိုးလုပ်တဲ့အခါမျိုးမှာ How-impact Bra ကို ရွေးပါ။

Sports Bra ဝယ်တဲ့အခါ သက်တောင့်သက်တာရှိဖို့ကလည်း အရေးကြီးတာမလို့ စမ်းဝတ်ကြည့်ပါ။ စမ်းတဲ့အခါ သင်လိုချင်တာနဲ့ကိုက်ညီမှုရှိမရှိသိရဖို့ ခုန်ပေါက်တာမျိုး ဒိုက်ထိုးတာမျိုး လုပ်ကြည့်ပါ။