မင်္ဂလာဆောင်တစ်ခုလုပ်ရတယ်ဆိုတာ လွယ်တာမဟုတ်ဘူးနော်။ အရမ်းပင်ပန်းတာ ဆောင်ဖူးတဲ့သူတိုင်းသိကြပါတယ်။

ဒီလိုပြောလို့ စာရေးသူ မင်္ဂလာဆောင်ဖူးလို့မဟုတ်ပါဘူးနော်။ အရင်းနှီးဆုံး သူငယ်ချင်းတစ်ယောက် မင်္ဂလာဆောင်တုန်းက ကိုယ်ပါလိုက်ပြီး ခေါင်းကိုက်လိုက်ရတာကို အမှတ်ရလို့ပါ။ ဆိုတော့ မင်္ဂလာဆောင်တော့မယ်ဆိုရင် အရင်ဆုံး ဘာတွေသိထားဖို့လိုအပ်မလဲ။

၁။ ငွေကြေး

Source: MagnifyMoney

ငွေကြေးက ပထမပါပဲ။ ကိုယ်မင်္ဂလာဆောင်အတွက် ဘယ်လောက်သုံးမလဲ။ ဘယ်နေရာမှာလုပ်မလဲဆိုတာကို အရင် တွက်ချက်ရပါမယ်။

၂။ ဧည့်သည်ဘယ်နှစ်ယောက်ဖိတ်မလဲ

Source: Glamour

ဧည့်သည်ဘယ်နှစ်ယောက်ဖိတ်မလဲ။ မင်္ဂလာခန်းမ ဘယ်လောက်ကျယ်ကျယ်မှာ လုပ်မလဲ။ ဧည့်သည်တွေကရော ဘယ်လိုဧည့်သည်မျိုးလဲ။ အသားမစားတဲ့သူရှိလား စသဖြင့် သေချာတွက်ချက်သင့်ပါတယ်။

၃။ အချိန်ဇယားကလည်း သိပ်ကိုအရေးကြီးတယ်

Source: harsupesa.am

ဘယ်အချိန်က ဘယ်အချိန်ထိ မင်္ဂလာဧည့်ခံပွဲလုပ်မယ်။ ဘယ်အချိန်မှာ သောက်ကြမယ်။ ဘယ်အချိန်မှာ ဒင်နာပွဲလုပ်မယ် ဆိုတာကိုလည်း သေချာတွက်ချက်ထားပါ။ မင်္ဂလာဆောင်သတို့သမီးအနေနဲ့လည်း မင်္ဂလာရက်မတိုင်ခင် အချိန်ယူပြီး အသားအရေ ထိန်းသိမ်းသင့်ပါတယ်။ ဒီလိုဆို မင်္ဂလာရက်နီးမှ ဝက်ခြံထွက်နေလို့ဆိုပြီး စိတ်ညစ်ရတာမျိုး မရှိတော့ဘူးပေါ့ရှင်။

၄။ ပြောဆိုဆွေးနွေးဖို့ သိပ်အရေးကြီးတယ်

Source: unidformazione.com

မင်္ဂလာပွဲတစ်ခုကို စီစဉ်ရာမှာ ကိုယ်ငှားထားတဲ့ ဟော်တယ်က တာဝန်ရှိသူ၊ မင်္ဂလာပွဲစီစဉ်သူတွေအပါအဝင် ကိုယ့်မိသားစုဝင်တွေနဲ့ သေချာ ဆွေးနွေးတိုင်ပင်ပါ။ မင်္ဂလာပွဲစမှ တစ်ယောက်တစ်မျိုး၊ ငါကဒီလိုဖြစ်ချင်တာ၊ သူကဒီလိုဖြစ်ချင်တာဆိုပြီး ပြောဆိုနေတာမျိုး မဖြစ်သင့်ပါဘူး။

၅။ မင်္ဂလာဝတ်စုံကို အချိန်ပေးရွေးမယ်

Source: Glamour

မင်္ဂလာဝတ်စုံကို စိတ်ကြိုက်ရွေးပြီး သေချာဝတ်ကြည့်ပါ။ အချိန်ယူပြီး မင်္ဂလာဝတ်စုံရွေးသင့်ပါတယ်။ ဒါမှ fitting ချဖို့တွေ အတွက်အဆင်ပြေမှာပါ။

၆။ အောင်မြင်တဲ့ မင်္ဂလာပွဲတစ်ခုဖြစ်ဖို့ အာရုံစိုက်ပါ

Source: www.asyouwishweddings.ca

သင့်မင်္ဂလာပွဲ အထမြောက်အောင်မြင်ဖို့အတွက် သင့်အနေနဲ့ စိတ်ဖိစီးမှုတွေများစွာရှိမှာသေချာပါတယ်။ ဒါပေမယ့် သင့်မင်္ဂလာပွဲအထမြောက် အောင်မြင်ဖို့ သင့်အနေနဲ့ အာရုံစိုက်သင့်ပါတယ်။ ဒီလိုနေ့မျိုးဟာ တစ်သက်တာလုံးမှာ အပျော်ရွှင်ဆုံး နေ့ရက်ကလေး ဖြစ်သင့်ပါတယ်။