ခြေကုန်လက်ပန်းကျပြီး ဘာကိုမှ မလုပ်ချင် မကိုင်ချင် ဖြစ်တာကို Burn Out လို့ သုံးနှုန်းကြပါတယ်။ ၂၀၁၈ ခုနှစ်က လုပ်ခဲ့တဲ့ Gallup စစ်တမ်းအရ အချိန်ပြည့်ဝန်ထမ်းတွေရဲ့ ၂၃% ဟာ အလုပ်ခွင်စိတ်ဖိစီးမှုကြောင့် Burn Out ဖြစ်ပ်ြီး လုပ်ချင်ကိုင်ချင်စိတ် ပျောက်ဆုံးနေတယ်လို့ ဆိုပါတယ်။

Burn Out ဟာ စိတ်ပိုင်းဆိုင်ရာ ပြဿနာတစ်ခုဖြစ်ပေမယ့် ရုပ်ခန္ဓာကိုယ်ပေါ်မှာပါ သက်ရောက်မှု ရှိပါတယ်။ တကယ်လို့ သင့်မှာ Burn Out ပြဿနာ ဖြစ်လာရင် သင့်ခန္ဓာကိုယ်ပေါ်မှာ ဒီလိုလက္ခဏာတွေ ဖြစ်လာနိုင်ပါတယ်။

(၁) မောပန်းလွယ်မယ်

Bored tired dull young woman student with bun sitting at table

Photo : Freepik

သေချာတဲ့အချက်က ဘာမှမလုပ်ချင်တော့ဘူး။ အာရုံလည်း စိုက်မရတော့။ ပင်ပန်းနွမ်းနယ်တာကိုပဲ ထပ်တလဲလဲခံစားနေရမှာပါ။

(၂) မျက်စိကြောင်နေမယ်

Beautiful Asian young woman sitting on bed take sleeping pill or night medicine in bedroom. Unhealthy sick Indian female suffers from insomnia or headache, depressed girl holds antidepressant meds.

Photo : Freepik

Burn Out ဖြစ်တဲ့သူတိုင်း အိပ်မပျော်တဲ့ ပြဿနာရှိတတ်ပါတယ်။ နေ့စဉ်ဘဝမှာ စိတ်ဖိစီးမှုတွေနဲ့ နေခဲ့တာ ဖြစ်တာကြောင့် အာရုံတွေ ရှုပ်ထွေးတင်းမာပြီး ညဆို တလူးလူး တလှိမ့်လှိမ့်နဲ့ အိပ်မရဖြစ်နိုင်ပါတယ်။

(၃) စိတ်ဓါတ်ကျမယ်

Shallow focus shot of a crying female who is lying in bed

Photo : Freepik

စိတ်တွေ ရှုပ်ထွေးပြီး လေလွင့်နေမယ်။ စိတ်ထဲမှာ မကျေနပ်စိတ်တွေနဲ့ ပျံ့လွင့်ပြီး ဆောက်တည်ရာမရ ဖြစ်နိုင်ပါတယ်။ ကြွက်သားတွေ အားနည်းပြီး မလှုပ်ချင်မကိုင်ချင်လည်း ဖြစ်နိုင်ပါတယ်။

(၄) မကြာခဏ ဖျားနာတတ်တယ်

Sick female person having a headache

Photo : Freepik

Burn Out ဖြစ်ပြီး ခြေကုန်လက်ပန်းကျသွားတဲ့အခါ ကိုယ်ခံအားနည်းပြီး မကြာခဏဆိုသလို အအေးမိဖျားနာတာမျိုး ဖြစ်နိုင်ပါတယ်။ ခေါင်းလည်း ခဏခဏ ကိုက်တတ်ပြီး အစာမကြေတာ ၊ ဝမ်းပျက်တာနဲ့ ဗိုက်အောင့်တာလည်း ဖြစ်နိုင်ပါတယ်။

ရေရှည်မှာ စိတ်ပင်ပန်းမှုကြောင့် နှလုံးထိခိုက်ခြင်း လေဖြတ်ခြင်းတွေအထိ ဖြစ်နိုင်ပါတယ်။ ဒါ့ကြောင့် ကိုယ့်ကိုယ်ကိုယ် ဘာမှ အာရုံစိုက်မရဘဲ Burn Out ဖြစ်သွားရင် အလုပ်က ခွင့်ယူပြီး ခရီးထွက်ပါ။ အနားယူပါ။ စိတ်တည်ငြိမ်အေးချမ်းဖို့ အလေ့အကျင့်လုပ်ပါလို့ အကြံပြုချင်ပါတယ်။