ကားနဲ့ အမြဲတမ်း အပြင်သွားနေရသူတွေအတွက် သင့်ကားဟာ သင့်ရဲ့ မိုဘိုင်းအိမ်တစ်လုံးလို့ ဆိုနိုင်ပါတယ်။ ဒါကြောင့်ပဲ ကားထဲမှာ သင့်အတွက် အသုံးဝင်မယ့် ပစ္စည်းတွေ မဖြစ်မနေ ဆောင်ထားဖို့ လိုတာ ဖြစ်ပါတယ်။ ဒီထဲမှာ အခုပြောမယ့် ပစ္စည်းတွေကတော့ ကားထဲမှာ အမြဲထားသင့်တဲ့ ပစ္စည်းတွေ ဖြစ်ပါတယ်။
(၁) စောင်
Photo: Daily Mirror
စောင်ဟာ အခြေအနေအမျိုးမျိုးအတွက် အသုံးတည့်ပါတယ်။ တကယ်လို့ အပြင်ကို ပျော်ပွဲစား ထွက်မယ်ဆိုရင်လည်း ခင်းဖို့ပဲ ဖြစ်ဖြစ် ၊ ခြုံဖို့ပဲ လိုလို စောင်တစ်ထည်ဟာ အသုံးကျယ်ပါတယ်။ သေသေသပ်သပ် လျှော်ဖွပ်ခေါက်သိမ်းပြီး ကားထဲ ထည့်ထားဖို့တော့ လိုပါတယ်။
(၂) ကျောပိုးအိတ်
Photo: The Verge
ကျောပိုးအိတ်တစ်လုံးဟာ အလုပ်အများကြီး လုပ်ပါတယ်။ အဝတ်အစားတွေ ထည့်တာ ၊ လက်ပ်တော့လိုမျိုး အလုပ်လုပ်မယ့် ပစ္စည်းတွေ သယ်တာ နောက်ဆုံး Gym သွားတာပဲ ဖြစ်ဖြစ် ကျောပိုးအိတ်တစ်လုံးရှိရင် အများကြီး အဆင်ပြေပါတယ်။
(၃) ငွေအကြွေ
Photo: A Quarter Richer
ကား ဒက်ရှ်ဘုတ်ထဲမှာ အရေးပေါ်အတွက် ငွေနည်းနည်း ဆောင်ထားသင့်ပါတယ်။ ဘယ်အချိန်မှာ ကားကြောင့် ငွေလိုလာမယ်ဆိုတာ ဘယ်သူမှ မပြောနိုင်ဘူးလေ။
(၄) ဓါတ်မီး
Photo: CARiD.com
ဓါတ်မီးတစ်လက်ကလည်း ကားထဲမှာ အမြဲဆောင်ထားသင့်တဲ့ ပစ္စည်းထဲမှာ ပါပါတယ်။ အရေးအကြောင်းဆိုရင် ဓါတ်မီးတစ်လက်က အများကြီး အသုံးဝင်တာကြောင့် ဖြစ်ပါတယ်။
(၅) ထီး
Photo: The News Wheel
ကားထဲမှာ ဆောင်ထားသင့်တဲ့ ပစ္စည်းထဲမှာ ထီးလည်း ပါပါတယ်။ ရာသီဥတုဆိုတာ နေမပူရင်တောင် မိုးရွာတတ်တာမျိုး ဖြစ်လို့ပါ။ အနည်းဆုံးတော့ ကားထဲက အပြင်ထွက်ချိန် ထီးတစ်လက်က သင့်ကို ပြင်ပရာသီဥတုဒဏ်ကနေ အများကြီး ကာကွယ်ပေးနိုင်ပါတယ်။
