တင်ပါးကျစ်လစ်ပြီးတင်းရင်းစေဖို့ ကူညီပေးမယ့် ယောဂကျင့်စဉ်များ

ပြင်းထန်တဲ့ Workout တွေကို သိပ်မလုပ်ချင်တဲ့သူတွေအတွက် ယောဂကျင့်စဉ်တွေကို မျှဝေပေးလိုက်ပါတယ်။ ဒီတစ်ခါမျှဝေပေးမယ့် ယောဂကျင့်စဉ်တွေကတော့ တင်ပါးကျစ်လစ်ပြီး တင်းရင်းစေဖို့ ကူညီပေးမယ့် ယောဂကျင့်စဉ်တွေပါ။

Yogi squats

ပထမပုံထဲကလို စထိုင်ပြီး ဒုတိယပုံထဲကလို ခါးတန်းနေအောင်ကုန်ပြီး လက်နှစ်ဖက်ဆန့်လိုက်ပါ။ ပြီးရင် ပထမပုံထဲကလိုပြန်လုပ်၊ ဒုတိယပုံထဲကလို ပြန်လုပ်ပါ။ အဲ့အတိုင်း ၁၀ ကြိမ်လုပ်ပေးပါ။

One-legged bridge

လက်နှစ်ဖက်က ပုံမှာလုပ်ပြထားသလို တင်ပါးအောက်မှာထားပါ။ ခြေထောက်တစ်ဖက်ကိုထောက်ပြီး နောက်ခြေထောက်တစ်ဖက်က ဆန့်တန်းထားပါ။ ပြီးရင် ခြေထောက်ကို အပေါ်မြှောက်ပြီးဆန့်လိုက်ပါ။ အဲ့အတိုင်း ပုံစံနှစ်မျိုးကို တစ်လှည့်စီ ဆက်တိုက် ၁၀ လုပ်ပေးပါ။ အကြိမ်ရေပြည့်ရင် ခြေထောက်ကို ဘယ်ညာပြောင်းပြီး ထပ်လုပ်ပေးပါ။

High lunge

ခြေထောက်တစ်ဖက်ကို ဒူးကွေးပြီး နောက်ခြေထောက်တစ်ဖက်က အနောက်မှာ ဒူးထောက်ထားပါ။ ပြီးရင် အနောက်ကိုဆန့်ထုတ်လိုက်ပါ။ အဲ့အတိုင်း ၁၀ ကြိမ်စီလုပ်ပေးပြီး အကြိမ်ရေပြည့်ရင် ဘယ်ညာ ပြောင်းလုပ်ရုံပါပဲ။

Side plank

လက်ဖဝါးတစ်ဖက်ကို ကြမ်းမှာထောက်ထားပြီး နောက်လက်တစ်ဖက်က အပေါ်ကိုမြှောက်ထားပါ။ အဲ့အနေအထားနဲ့ ခြေထောက်နှစ်ဖက်ကို ကားလိုက်၊ ပြန်စုလိုက် လုပ်ပေးရမှာပါ။ ဒီယောဂကျင့်စဉ်မှာလည်း ဘယ်ညာတစ်လှည့်စီ တစ်ဖက်ကို ၁၀ ကြိမ်စီ လုပ်ပေးပါ။

Chair pose

ဒီယောဂကျင့်စဉ်ကတော့ ပုံမှာလုပ်ပြထားတဲ့ Chair pose အနေအထားနဲ့ ၁၀ စက္ကန့်နေပေးပါ။ အချိန်ပြည့်ရင် မတ်တပ်ပြန်ရပ်၊ ပြီးရင် အဲ့အတိုင်း ၁၀ စက္ကန့် ထပ်လုပ်ပါ။ အနည်းဆုံး ၁၀ ကြိမ်တော့ လုပ်ပေးပါ။

Goddess pose

ပုံမှာလုပ်ပြထားတဲ့ Goddess pose အနေအထားနဲ့ ၁၀ စက္ကန့်နေပေးပြီး ပုံမှန်အတိုင်း မတ်တပ်ပြန်ရပ်၊ ပြီးရင် ထပ်လုပ်ပါ။ ဒါလည်း အနည်းဆုံး ၁၀ ကြိမ်လုပ်ပေးရပါမယ်။

Locust pose

ပုံမှာလုပ်ပြထားတဲ့ ဒီ Locust pose အနေအထားကတော့ ရင်ဘတ်အပေါ်ပိုင်းနဲ့ ခြေထောက်၊ လက်တို့ကို ကြမ်းနဲ့မထိအောင် ထားရမှာပါ။ ခြေထောက်တွေကိုလည်း ကွေးလို့မရပါဘူး။ အဲ့အနေအထားနဲ့ ၁၅ စက္ကန့်နေပြီး ခြေထောက်တွေပြန်ချ၊ ပြီးရင်ပြန်လုပ်ပါ။ အနည်းဆုံး ၅ ကြိမ် လုပ်ပေးရပါမယ်။