အလုပ်ထွက်ထားပြီး အလုပ်မရသေးခင်အချိန်မှာပဲဖြစ်ဖြစ်၊ အလုပ်လျှောက်ထားပြီး အလုပ်မရသေးခင် အချိန်မှာပဲဖြစ်ဖြစ် ဒီတိုင်းမနေသင့်ပါဘူး။ အလုပ်အတွက်အဆင်ပြေအောင်၊ အစစအရာရာ အဆင်ပြေအောင် အလုပ်တစ်ခုမရခင်မှာ ကိုယ့်ဘက်ကနေ ကြိုတင်ပြင်ဆင်ပြီး လုပ်ဆောင်ထားသင့်တဲ့အရာတွေ ရှိပါတယ်။
နောက်အလုပ်အတွက်ကြိုတင်လေ့လာထားပါ
ကိုယ်က အလုပ်တစ်ခုခုလျှောက်ထားတယ်ဆိုရင် အဲ့အလုပ်နဲ့ပတ်သက်တာတွေကို လေ့လာထားပါ။ ကြိုတင်ပြင်ဆင်ထားပါ။ အဲ့အလုပ်နဲ့ပတ်သက်ပြီး အားလုံးသိနေအောင် လေ့လာထားဖို့ လိုပါတယ်။
ကိုယ်တတ်ထားတာတွေကို ပြန်လေ့ကျင့်နေပါ
အလုပ်လျှောက်ထားတဲ့အချိန်၊ အလုပ်မရသေးတဲ့အချိန်မှာ ကိုယ်တတ်ထားတာတွေ၊ ကိုယ်လုပ်ရမယ့်အရာတွေကို မေ့သွားတာမျိုးမဖြစ်အောင် လေ့ကျင့်နေပါ။ ပိုပြီးတိုးတက်လာအောင် လုပ်ပါ။
စာများများဖတ်ပါလေ့လာပါ
အလုပ်တစ်ခုမရခင်မှာ ဒီတိုင်းမနေပါနဲ့။ ကိုယ့်အလုပ်နဲ့ပတ်သက်တာတွေကို ရှာဖွေလေ့လာပါ။ စာများများဖတ်ပါ။ ဒါမှ တိုးတက်လာမှာပါ။
အလုပ်ရှာပါ
အလုပ်ထွက်လိုက်လို့ နောက်အလုပ်တစ်ခုကို စောင့်နေတာပဲဖြစ်ဖြစ်၊ အလုပ်စလုပ်ဖို့ ရှာနေရင်ပဲဖြစ်ဖြစ် အလုပ်ကို တစ်ခုထဲတင်ထားတာမျိုး မလုပ်ပါနဲ့။ အလုပ်မရမချင်း အများကြီးတင်ထားပါ။ တစ်ခုထဲတင်ပြီး ထိုင်စောင့်နေတာမျိုး မလုပ်ပါနဲ့။ အချိန်ပိုကြာပါတယ်။
