ဗိုက်အဆီတွေလည်းကျချင်တယ် Exercise တွေ အများကြီးလုပ်ရမှာလည်း ပျင်းတဲ့သူတွေအတွက် ဗိုက်အဆီတွေလျော့ကျသွားအောင် ကူညီပေးမယ့် ထိရောက်မှုလည်းရှိတဲ့ Sitting Pose Yoga ကျင့်စဉ်တွေကို မျှဝေပေးလိုက်ပါတယ်။
Seated forward bend
ခြေထောက်နှစ်ချောင်းကို ဆင်းထားပြီး ပုံမှာလုပ်ပြထားသလို အရှေ့ကိုကုန်းပြီး နဖူးနဲ့ ခြေထောက်ကို ထိအောင်ထားပါ။ လက်နှစ်ဖက်က ခြေဖဝါးကိုကိုင်ထား ထိထားပါ။ အဲ့အတိုင်း စက္ကန့် ၃၀ နေလိုက်၊ ဖြေးဖြေးချင်း ခါးပြန်မတ်လိုက်၊ ပြီးရင် ပြန်လုပ်လိုက်နဲ့ အနည်းဆုံး ၃ ကြိမ် လုပ်ပေးပါ။
Lotus pose
ပုံမှာထိုင်ပြထားသလို ခြေထောက်အနေအထား မှန်ရပါမယ်။ ခါးကိုလည်း မတ်ထားပါ။ အဲ့အတိုင်းနေပြီး အသက်ကို ဖြေးဖြေးချင်းစီ ရှိုက်ပြီးရှူလိုက်၊ ဖြေးဖြေးချင်းစီ ပြန်ထုတ်လိုက်နဲ့ အနည်းဆုံး ၁၀ ကြိမ်လုပ်ပေးရပါမယ်။
Butterfly pose
ခြေဖဝါးနှစ်ခုကို ပူးကပ်ထားပြီးထိုင်ရပါမယ်။ လက်နှစ်ဖက်ကလည်း ခြေထောက်ကိုကိုင်ထားပါ။ ခါးကိုမတ်ထားပါ။ အဲ့အတိုင်းနေပြီး ခုနကလိုပဲ ဖြေးဖြေးချင်းစီ အသက်ကိုရှူသွင်းရှူထုတ် လုပ်နေရမှာပါ။ အဲ့အတိုင်း ၁၅ စက္ကန့်နေလိုက်၊ ခြေထောက်ကို ပုံမှန်အတိုင်း ပြန်ထားလိုက်၊ အဲ့အတိုင်းပြန်လုပ်လိုက်နဲ့ အနည်းဆုံး ၅ ကြိမ်လုပ်ပေးပါ။
Thunderbolt pose
ပုံမှာထိုင်ပြထားတဲ့အတိုင်းတူအောင် ထိုင်ပေးပါ။ ခါးကိုမတ်ထားပါ။ ခြေဖနောင့်တွေက တင်ပါးနဲ့ထိနေရပါမယ်။ လက်ဖဝါးနှစ်ဖက်ကို ပေါင်ပေါ်တင်ထားပါ။ ခေါင်းကိုလည်း တည့်တည့်ထားပါ။ အဲ့အတိုင်းနေပြီး အသက်ကို ဖြေးဖြေးချင်းစီ ရှူသွင်းရှူထုတ် လုပ်ပေးပါ။ အသက်ရှူသွင်းရှူထုတ်လုပ်နေတဲ့ဆီကိုပဲ စိတ်ထည့်ထားပါ။ ၁၀ ကြိမ် အသက်ရှူသွင်းရှူထုတ်လုပ်ပြီးရင် ဖြေးဖြေးချင်းစီ မတ်တပ်ရပ်ပါ။ ပြီးရင်အဲ့အတိုင်း ပြန်လုပ်ပါ။ ၃ ကြိမ်လောက်ဆို ရပါပြီ။
Seated wide-angle pose
ဒီ yoga pose က နည်းနည်းတော့ခက်ပါမယ်။ ဒါပေမယ့် လုပ်ရင်းနဲ့ အကြောပျော့ပြီး အဆင်ပြေလာပါလိမ့်မယ်။ ပေါင်နှစ်ဖက်ကို ရသလောက်ပဲကားပြီး လက်နှစ်ဖက်ကိုလည်း ပုံထဲကလို လုပ်ပေးပါ။ အဲ့အတိုင်း ၁၀ စက္ကန့်နေပြီးရင် ခြေထောက်ပြန်စု ပြီးရင် ထပ်လုပ်ပါ။ ၅ ကြိမ်လုပ်ပေးရပါမယ်။
Bridge pose
ဒီ yoga pose ကတော့ လွယ်ပါတယ်။ ပုံမှာလုပ်ပြထားသလို ၁၅ စက္ကန့်နေပြီး ခြေထောက်ပြန်ဆင်းပြီးရင် ထပ်လုပ်ပါ။ အနည်းဆုံး ၅ ကြိမ်လုပ်ပေးရင် ရပါပြီ။
