ဝက်ခြံကြောင့်ကျန်ခဲ့တဲ့အမာရွတ်တွေကို Essential Oil သုံးပြီး သက်သာသွားအောင် လုပ်လို့ရတဲ့ နည်းလမ်းတွေကို မျှဝေပေးလိုက်ပါတယ်။ Essential Oil အမျိုးမျိုးသုံးပြီး လုပ်လို့ရတာကြောင့် ဒီထဲက ကိုယ်အဆင်ပြေတဲ့ နည်းလမ်းတစ်မျိုးကို ရွေးပြီးတော့ လုပ်ရုံပါပဲ။ ပုံမှန်လေး စိတ်ရှည်ရှည်နဲ့ လုပ်ပေးမယ်ဆိုရင်တော့ အမာရွတ်တွေက တစ်ဖြေးဖြေးနဲ့ ပါးလာပြီးတော့ ပျောက်သွားမှာပါ။
Rosehip Seed Oil
ဝက်ခြံကြောင့် ကျန်ခဲ့တဲ့ အမာရွတ်ပေါ်ကို Rosehip Seed Oil တိုက်ရိုက်လိမ်းပေးပြီး တစ်ညထားပါ။ မနက်ရောက်မှ မျက်နှာသစ်လိုက်ပါ။ ညတိုင်းလုပ်ပေးမယ်ဆိုရင် အမာရွတ်တွေ ပါးသွားမှာပါ။
Tea Tree Oil
Tea Tree Oil – ၁၂ စက်ကို ရှားစောင်းလက်ပတ်အပင်ရဲ့ အတွင်းသားဂျယ်လ် – စားပွဲတင်ဇွန်း ၂ ဇွန်းစာနဲ့ ရောမွှေပါ။ ပြီးရင် Rosehip Seed Oil (သို့) Jojoba Oil – လက်ဖက်ရည်ဇွန်းတစ်ဝက်စာ ထည့်ပေးပြီး ထပ်မွှေပါ။ ပြီးရင်တော့ အမာရွတ်ပေါ်လိမ်းပြီး တစ်ညထားပါ။ မနက်ရောက်မှ ရေကြက်သီးနွေးနဲ့ မျက်နှာသစ်ပေးရမှာပါ။ ဒီနည်းလမ်းကို လုပ်မယ်ဆိုရင်လည်း ညတိုင်းလုပ်ပေးပါ။
Clary Sage Essential Oil
Jojoba Oil – စားပွဲတင်ဇွန်း ၂ ဇွန်း၊ Tea Tree Oil – ၄ စက်နဲ့ Clary Sage Essential Oil – ၄ စက်တို့ကိုထည့်ပြီး ရောမွှေပါ။ မွှေပြီးရင် အမာရွတ်ပေါ်လိမ်းပြီး နာရီအနည်းငယ် ထားပေးပါ။ ပြီးမှ မျက်နှာသစ်ပါ။ ဒီနည်းလမ်းကို လုပ်မယ်ဆိုရင်တော့ တစ်နေ့ ၂ ကြိမ် လုပ်ပေးရပါမယ်။
Coconut Oil
Coconut Oil စစ်စစ်ကို လိုသလောက်ယူပြီး ဝက်ခြံအမာရွတ်ပေါ်ကို လိမ်းထားပေးပါ။ နာရီပိုင်းထားပြီးမှ မျက်နှာသစ်ပါ။ ဒီနည်းလမ်းကို လုပ်မယ်ဆိုရင်တော့ တစ်နေ့ကို ၂ ကြိမ်၊ ၃ ကြိမ် ပုံမှန်လုပ်ပေးရပါမယ်။ အလွယ်ဆုံးနည်းလမ်းဖြစ်လို့ နေ့တိုင်း ပုံမှန်လုပ်သွားပေးရင် ဝက်ခြံကြောင့် ကျန်ခဲ့တဲ့ အမာရွတ်တွေ သက်သာပျောက်ကင်းသွားမှာပါ။
