မိန်းကလေးတိုင်းရဲ့ ခန္ဓာကိုယ်အတွက် အကျိုးရှိစေမယ့် Japanese exercise တွေကို မျှဝေပေးလိုက်ပါတယ်။ အလှအပအတွက်တင်မဟုတ်ပဲ ကျန်းမာရေးအတွက်ပါ ကောင်းကျိုးတွေအများကြီး ရရှိစေမယ့် exercise တွေပါ။
မှောက်နေပြီး ပုံမှာပြထားတဲ့အတိုင်း ခြေထောက်နှစ်ဖက်ကို ကွေးလိုက်၊ အနောက်နည်းနည်းဆန့်လိုက်နဲ့ ဘယ်ညာတစ်လှည့်စီ ဆက်တိုက်လုပ်ရမှာပါ။ ဒီ exercise က ခြေထောက်ကို relax ဖြစ်စေပြီး သွေးလည်ပတ်မှု ကောင်းမွန်စေတယ်၊ တင်ထွက်စေဖို့လည်း အထောက်အကူပြုပါတယ်။
ဒူးထောင်ပြီး လှဲနေပါ။ ပြီးရင်တော့ ဒူးထောင်ထားတဲ့အတိုင်းပဲ လက်နှစ်ဖက်ကိုဆန့်ကာ ပုံမှာပြထားသလောက် ကုန်းထပေးရမှာပါ။ ပြီးရင် ပြန်လှဲ၊ ပြန်ထပါ။ အဲ့အတိုင်း ဆက်တိုက်လုပ်ရမှာပါ။ ဒီ exercise က ကျန်းမာရေးအတွက် အထောက်အကူပြုသလို ဗိုက်ချပ်စေဖို့အတွက်လည်း ထိရောက်ပါတယ်။
အရင်ဆုံးလှဲနေပါ။ ပြီးမှ ပုံမှာပြထားတဲ့အတိုင်း ခြေထောက်နှစ်ဖက်ကို အပေါ်မြှောက်၊ လက်နှစ်ဖက်ကိုဆန့်ပါ။ တစ်ဆင့်ချင်းစီမလုပ်ပဲ လှဲရာကနေထလိုက်တာနဲ့ အဲ့အတိုင်း လုပ်ပေးရမှာပါ။ ပြီးရင် ပြန်လှဲ၊ အဲ့အတိုင်းပြန်ထပါ။ ဆက်တိုက် ၁၀ ကြိမ် လုပ်ပေးရပါမယ်။ ဒီ exercise က အစာခြေစနစ်ကို ကောင်းမွန်စေပြီး ဗိုက်ချပ်စေပါတယ်။
ခြေဖဝါးထောက်၊ လက်နှစ်ဖက်ကို အနောက်ပို့ထားပြီး ပုံမှန်ပြထားတဲ့အတိုင်း ခန္ဓာကိုယ်ကိုကော့ကာ အကြောတွေဆန့်ထုတ်လိုက်ပါ။ ဒီ exercise ကတော့ အညောင်းအညာပြေစေပြီး ခန္ဓာကိုယ်အနေအထား မှန်စေပါတယ်။
ပုံမှာပြထားသလို A ပုံစံအနေအထားနဲ့ စက္ကန့် ၃၀ နေပါ။ ပြီးရင် မတ်မတ်ပြန်နေ၊ ပြီးရင် အဲ့အတိုင်း စက္ကန့် ၃၀ ပြန်နေပါ။ အနည်းဆုံး ၁၀ ကြိမ်လုပ်ပေးရပါမယ်။ ဒီ exercise ကတော့ နောက်ကျောနဲ့ ခါးနာတာ၊ ခြေထောက်နာတာ သက်သာစေပြီး ခန္ဓာကိုယ်အနေအထား မှန်စေပါတယ်။
ဒူးထောက်ပြီး လက်နှစ်ဖက်က ခြေသလုံးကိုကိုင်ထားပါ။ ခန္ဓာကိုယ်က အနောက်ကိုလန်လိုက်ပါ။ အဲ့အတိုင်း စက္ကန့် ၃၀ နေလိုက်၊ ပြန်မတ်လိုက်၊ အနောက်ပြန်လန်လိုက်နဲ့ အနည်းဆုံး ၁၀ ကြိမ် လုပ်ပေးပါ။ ဒီ exercise ကတော့ ပေါင်အဆီကျစေပြီး ခါးနာတာ သက်သာစေပါတယ်။
