တခါတလေကျတော့ ဖက်ရှင်ကျ စတိုင်လ်ကျမှုနဲ့ သင့်ဘဝအောင်မြင်မှုဆိုတာ ထပ်တူကျတတ်ပါတယ်။ လန်းဆန်းတက်ကြွပြီး မိမိကိုယ်ကို ယုံကြည်မှုအပြည့်ရှိတဲ့ မိန်းကလေးတစ်ယောက်ဟာ လုပ်ငန်းခွင်မှာ ဦးဆောင်နိုင်မယ့်သူတစ်ယောက် ဖြစ်မှာ မလွဲပါပဲ။
ပထမဆုံး လူတစ်ယောက်နဲ့တစ်ယောက် ပြုမူဆက်ဆံရာမှာ သင့်ရဲ့ အပြင်ပိုင်းကို အရင်မြင်ကြတာမို့ သင့်အပြင်ပိုင်းပုံစံက လူရိုသေ သူရိုသေ ရှိဖို့တော့ လိုအပ်ပါတယ်။
သင့်ကို သာမန်မိန်းကလေးတစ်ဦးမဟုတ်ဘဲ စစ်မှန်ပြီး တန်ဖိုးရှိတဲ့ မိန်းကလေးတစ်ဦးဖြစ်စေဖို့ ရှောင်ရမယ့်အချက်တွေကို မျှဝေပေးပါမယ်။
အရည်အသွေးညံ့တဲ့ နာမည်ကြီး တံဆိပ်အတုတွေကို မဝယ်ပါနဲ့တော့
သင့်မှာ အခုချက်ချင်း ဒီBranded ပစ္စည်းကို မဝယ်နိုင်ဘူးဆိုရင်တောင် ပိုက်ဆံစုထားလိုက်ပါ။ သူတပါးအထင်အမြင်ကြီးခံရဖို့ ပစ္စည်းအတုတွေကို မဝတ်ပါနဲ့။
ဖက်ရှင်အမှားတွေမလုပ်ပါနဲ့
သင်နဲ့ အရမ်းကြီးနေတဲ့ အင်္ကျီတွေ အရမ်းကြပ်နေတဲ့ အင်္ကျီတွေ မဝတ်ပါနဲ့။ သင်နဲ့ လိုက်ဖက်တဲ့ ဖက်ရှင်မျိုးကို ရွေးချယ်တတ်ပါတယ်။
ကိုယ်ဟန်အနေအထားကိုဂရုစိုက်ပါ
ကိုယ်ဟန်အနေအထားကို ဂရုစိုက်စေချင်ပါတယ်။ အထူးသဖြင့် အများနဲ့ အတူရှိနေတဲ့ လုပ်ငန်းခွင်ထဲမှာ သင့်ကိုယ်သင် ယုံကြည်မှုအပြည့်နဲ့ ကိုယ်ဟန်မတ်မတ်ထားလိုက်ပါ။
မိတ်ကပ်အများကြီး မလိမ်းပါနဲ့
မိတ်ကပ်ကို အများကြီး လိမ်းစရာမလိုပါဘူး။ တကယ်တော်တဲ့ မိန်းကလေးတစ်ယောက်ဟာ မိတ်ကပ်တွေထက် အသားအရေလှဖို့ကို ပိုပြီးဂရုစိုက်ပါတယ်။ အသားအရေလှရင် သင်လှပြီးသားပါပဲ။
စကားပြောခြင်း ရယ်မောခြင်း
စကားပြောတဲ့နေရာမှာ သင့်ရဲ့ အသံကို ဂရုစိုက်ပါ။ အော်ကြီးဟစ်ကျယ်ပြောတာမျိုး မဖြစ်သင့်ပါဘူး။ရယ်ရင်လည်း တဟားဟားနဲ့ အော်ရယ်နေတာမျိုး မဖြစ်သင့်ပါဘူး။ စာရေးသူပြောချင်ကတော့ လုပ်ငန်းခွင်နဲ့ အများပြည်သူရှိနေတဲ့ နေရာတွေမှာ ဆိုလိုတာပါ။ သင့်အိမ်မှာ သင့်မိသားစုနဲ့ ရှိနေတဲ့အချိန်ဆိုရင် ဒါကတော့ ကိစ္စမရှိပါဘူး။
လမ်းသွားရင် အစာစားတာမျိုး မလုပ်ပါနဲ့
လမ်းသွားရင်း အစာစားတာဟာ သင့်ကို အစာလည်းမကြေစေသလို၊ အဆီလည်းပိုတက်စေပါတယ်။ သင့်မှာ အချိန်မရတော့ဘူးဆိုရင်တောင် သင့်အချိန်တွေကို ဘယ်လိုစီမံခန့်ခွဲမလဲဆိုတာ သင့်အပေါ်မှာ မူတည်ပါတယ်။
နောက်ကျခြင်း
၁၅ မိနစ်ထက် ပိုပြီး နောက်ကျတာဟာ လုံးဝမကောင်းပါဘူး။ အထူးသဖြင့် သင့်စီးပွားရေးကိစ္စတွေမှာ ပိုပြီး နှောင့်နှေးစေသလို တဖက်ကလည်း သင့်ကို အချိန်မလေးစားသူအဖြစ် ထင်သွားနိုင်ပါတယ်။ တခြားသူ သင့်ကို အကြာကြီး မစောင့်ရပါစေနဲ့။
စမတ်ကျကျဝတ်ပါ
ဒီကနေ့ခေတ် စီးပွားရေးလောကမှာ အမျိုးသမီးအများစု ရုံးတက် ရုံးဆင်း မိမိကြိုက်တဲ့ အဝတ်အစားမျိုးကို ဝတ်ဆင်လို့ရပါတယ်။ ဒါပေမယ့် သူ့နေရာနဲ့ သူ အထာကျကျ ဝတ်စားတတ်ဖို့ လိုအပ်ပါတယ်။
