ဟန်ဆောင်ရင်တောင် အမြဲတမ်း ဟန်ဆောင်လို့မရနိုင်တဲ့ ချစ်သူရဲ့အပြုအမူတချို့

အားလုံးပဲမင်္ဂလာပါနော်။ ဒီတခါမှာတော့ ကိုယ့်ချစ်သူက ကိုယ့်အပေါ် အလေးထားတယ်။ မထားဘူး။ ကိုယ့်ကို တန်ဖိုးထားတယ်။ မထားဘူးဆိုတာနဲ့ပတ်သက်လို့ သူ့ရဲ့ အပြုအမူကနေတဆင့်သိနိုင်ပါတယ်။

လူရဲ့စိတ်ဆိုတာ အလွှာအမျိုးမျိုးခြုံထားတာမို့ အချိန်ခဏလေး တွဲကြည့်ပြီး အပေါ်ယံကကြည့်ရုံ၊ အပေါ်ယံလေးကချစ်ပြရုံနဲ့တော့ သူက ကိုယ့်ကို တကယ်ချစ်တယ် မချစ်ဘူး၊အလေးထားတယ် မထားဘူးဆိုတာ မသိနိုင်ပါဘူး။

ဟန်ဆောင်ရင်တောင် အမြဲတမ်း ဟန်ဆောင်လို့မရနိုင်တဲ့ ချစ်သူရဲ့ အပြုအမူတချို့ကို မျှဝေပေးလိုက်ပါတယ်နော်။

၁။ သင့်ရဲ့ ပုဂ္ဂိုလ်ရေးဆိုင်ရာ ပြဿနာတွေကို နားထောင်ပေးတယ်။

သင့်ကို တန်ဖိုးထားတဲ့ ချစ်သူက သင့်ရဲ့ အခက်အခဲပြဿနာတွေကို နားထောင်ပေးသလို ကူညီပေးရှင်းပေးပါတယ်။

၂။ သင့်ကို ကြင်ကြင်နာနာ ထွေးပွေ့ပေးမယ်

ကြင်နာနွေးထွေးတဲ့ ချစ်သူရဲ့ပွေ့ဖက်မှုက သင့်ကို ကြည်နူးစေတာ တကယ်ပါပဲနော်။ နှစ်ယောက်တည်းအတူရှိနေချိန် နဖူးကို ခပ်ဖွဖွနှမ်းတာ၊ ခပ်ဖွဖွလေး ပွေ့ဖက်ပေးတာက သင့်ကို သူ သိပ်ချစ်တယ်ဆိုတာကို ပြသနေတာပါပဲ။

၃။ သင့်ရဲ့ရည်မှန်းချက်ကိုအားပေးတယ်

သင်ဖြစ်ချင်တဲ့ ရည်မှန်းချက်ပန်းတိုင်ကို အရောက်လှမ်းနိုင်ဖို့ အနီးဆုံးနေရာက အားပေးတတ်တဲ့ ချစ်သူ။ သင့်ကို အမြဲတမ်းပံ့ပိုးပေးနေတဲ့ချစ်သူက သင့်ကို တန်ဖိုးထားလို့ဆိုတာ ငြင်းစရာလိုမယ်မထင်ပါဘူးနော်။

၄။ သင့်ရဲ့ အိမ်မှုကိစ္စတွေကို ကူလုပ်ပေးမယ်

သင်အဝတ်လျှော်နေတာဖြစ်ဖြစ်၊ အိမ်သန့်ရှင်းရေးလုပ်နေတာပဲဖြစ်ဖြစ် တစ်ယောက်တည်းကို ပင်ပင်ပန်းပန်းလုပ်ခိုင်းရက်မှာမဟုတ်ပါဘူး။ အနားမှာအတူရှိပြီး ကူလုပ်ပေးတဲ့ ချစ်သူလိုမျိုး နောက်တစ်ယောက်ထပ်ရှာတွေ့နိုင်မယ်မထင်ပါဘူးနော်။

၅။ သင့်ရဲ့အကြောင်းကိုလည်း သူ့အသိုင်းအဝိုင်းကို ပြောပြဖို့ဝန်လေးမှာမဟုတ်ဘူး

သင်ဘာဖြစ်နေနေပါ။ သင့်ကို သူဘယ်လောက်တန်ဖိုးထားကြောင်း ဘယ်လောက်ချစ်တဲ့အကြောင်း သင့်ရဲ့အကြောင်းကို သူ့ရဲ့ မိတ်ဆွေ၊ မိသားစု၊ အသိုင်းအဝိုင်းကို ပြောပြဖို့ဝန်လေးမှာမဟုတ်ပါဘူး။