ဂီတပါရမီရှင် မောင်နှမအဖွဲ့ AKDONG MUSICIAN (AKMU) ရဲ့ သီချင်းကောင်းဆယ်ပုဒ်

တောင်ကိုရီးယားနိုင်ငံမှာ နာမည်အကျော်ကြားဆုံး မောင်နှမ Duo အဖွဲ့ရယ်လို့ မေးလိုက်ပြီဆိုတာနဲ့ အားလုံးက Akdong Musician (AKMU) ဆိုပြီး တန်းပြောနိုင်လောက်အောင် လူကြိုက်များလှတဲ့ သူတို့အဖွဲ့ရဲ့ သီချင်းလေးတွေကို ဒီနေ့ဆောင်းပါးမှာ ဖော်ပြပေးသွားမှာဖြစ်ပါတယ်။

AKMU အဖွဲ့မှာတော့ အစ်ကို Lee Chanhyuk နဲ့ ညီမလေး Lee Suhyun တို့နှစ်ယောက် ပါဝင်ပြီးတော့ YG Entertainment လက်အောက်ကနေ April 7th, 2014 ခုနှစ်မှာ “PLAY“ ဆိုတဲ့ အယ်လ်ဘမ်နဲ့ Debut လုပ်ခဲ့ပါတယ်။

သူတို့မောင်နှမနှစ်ယောက်ရဲ့ ကျော်ကြားမှုဟာ ဘယ်လောက်ထိ ကြီးမားလဲဆိုရင် IU တို့ Suzy တို့လို အနုပညာရှင်အနည်းငယ်သာ ရရှိထားတဲ့ National နာမည်ကို ရရှိထားပါတယ်။ သူတို့ကိုခေါ်တာကတော့ “The Nation’s Siblings” ဆိုပြီးတော့ပါ။

သီချင်းအရေးအစပ်ပိုင်းမှာဆိုရင်လည်း အစ်ကိုဖြစ်သူ Chanhyuk က သူတို့ရဲ့ သီချင်းတွေကို သူကိုယ်တိုင်ရေးစပ်တာဖြစ်ပြီး ညီမအငယ်လေး Suhyun ရဲ့ အသံချိုချိုလေးက ကြားလိုက်သူတိုင်းကို ထပ်ပြီးနားထောင်ချင်စိတ်ကို ဖြစ်စေနိုင်ပါတယ်။

Chanhyuk ကိုတော့ ၁၉၉၆ ခုနှစ် စက်တင်ဘာလ ၁၂ ရက်နေ့မှာ မွေးဖွားခဲ့ပြီး Suhyun ရဲ့ မွေးနေ့ကတော့ ၁၉၉၉ ခုနှစ် မေလ (၄) ရက်နေ့ပါ။ သူတို့ရဲ့မိဘတွေနဲ့အတူ Mongolia မှာ ငါးနှစ်တာနေခဲ့ပြီးနောက် သီချင်းအဆိုဝါသနာပါတာကြောင့် တောင်ကိုရီးယားကို ပြောင်းရွှေ့လာခဲ့ပါတယ်။

၂၀၁၂ ခုနှစ်မှာ K-pop Star 2 ဆိုတဲ့ အစီအစဥ်မှာ ပါဝင်ယှဥ်ပြိုင်ခဲ့ပြီးနောက် နောက်ဆုံးမှာလည်း အနိုင်ရရှိခဲ့ပါတယ်။ အဲ့ကနေမှ YG Entertainment နဲ့ လက်တွဲလုပ်ကိုင်လာခဲ့တာ အခုချိန်ထိပါပဲ။

အခုလိုမျိုး ထွက်သမျှသီချင်းတိုင်း လူကြိုက်အရမ်းများလှတဲ့ AKMU အဖွဲ့ရဲ့ သီချင်းကောင်းတွေထဲကမှ အကြိုက်ဆုံးဖြစ်မယ်လို့ထင်ရတဲ့ သီချင်းဆယ်ပုဒ်ကို ရွေးချယ်တင်ဆက်ပေးလိုက်ရပါတယ်။

How can I love the heartbreak, you’re the one I love