မင်္ဂလာပါနော်။ ဒီတခါမှာတော့ Casual အရမ်းကျတဲ့ ဖက်ရှင်မျိုးကိုလည်း ရိုးနေပြီး Dress ရိုးရိုးကြီးတွေလည်း အမြဲတမ်းမဝတ်ချင်တော့လို့ ဘယ်လိုပုံစံမျိုး ပြောင်းဝတ်ရင်ကောင်းမလဲလို့ စဉ်းစားနေသူတွေအတွက်ပါ။ သင့်ကိုလည်း သက်သောင့်သက်သာဖြစ်စေပြီး ချစ်စရာကောင်းအောင် အခုလို ဝတ်ဆင်လို့ရပါတယ်။

၁။ သင်ဘာကို ဦးစားပေးချင်လဲဆိုတာ အရင်စဉ်းစားပါ

ဒီနေ့ ဘယ်လိုပုံစံမျိုးကို ဝတ်ချင်တာလဲ။ ဘယ်လိုစတိုင်လ်မျိုးကို ဝတ်ချင်တာလဲဆိုတာကို စဉ်းစားပါ။ ပြီးတော့ ဘယ်သွားမှာလဲဆိုတာကလည်း အရေးကြီးပါတယ်။

တကယ်လို့ ရာသီဥတုက အရမ်းပူတယ်ဆိုရင် ချည်သားနဲ့ လုပ်ထားတဲ့ အင်္ကျီအသားကို ရွေးချယ်ပါ။ ဒါ့အပြင် လည်ပင်းပုံကျယ်ကျယ်၊ V ပုံစံရှိတဲ့လည်ပင်းပုံစံတွေကို ရွေးချယ်ဝတ်ဆင်နိုင်ပါတယ်။

၂။ Dress ဆန်းဆန်းလေးတွေဝတ်မယ်

အမြဲတမ်း ရိုးရိုးရှင်းရှင်း Dress တွေအစား၊ ပုံစံတူ Dress တွေအစား ပုံစံမတူတာလေးတွေကို တွဲဝတ်နိုင်ပါတယ်။

Sneaker ဖိနပ်လေးနဲ့လည်း တွဲဝတ်လို့ရပါတယ်။ ဘာပဲဖြစ်ဖြစ် စိတ်မပူပါနဲ့။

၃။ အသားပျော့ပြီး ပေါ့ပေါ့ပါးပါးရှိတဲ့ ဘောင်းဘီလေးတွေဝတ်မယ်

အသားပျော့ပြီး ဂါဝန်လိုလို စကတ်လိုလိုနဲ့ ဘောင်းဘီကားကားတွေ ပေါ့ပေါ့ပါးပါးရှိတဲ့ ဘောင်းဘီလေးတွေကို ဝတ်ဆင်နိုင်ပါတယ်။