လက်သည်းအရှည်ထားပေမယ့် လက်သည်းက ခဏခဏကျိုးသွားလို့ အရှည်ထားမရတာမျိုး ဖြစ်တဲ့သူတွေလည်း ရှိမှာပါ။ တချို့ဆိုရင် လက်သည်းကကျိုးလိုက်၊ ဘေးနားကနေပဲ့ထွက်လိုက်နဲ့ ခဏခဏဖြစ်ပါတယ်။ ဒီလို မကြာခဏလက်သည်းကျိုးရခြင်းရဲ့ အဓိကပြဿနာကတော့ ဒီအချက်တွေကြောင့် ဖြစ်ကြတာများပါတယ်။
လက်သည်းကိုက်ခြင်း
လက်သည်းကို ခဏခဏကိုက်လေ့ရှိတဲ့သူတွေက လက်သည်းအရမ်းကျိုးပါတယ်။ လက်သည်းမကျိုးရင်လည်း လက်သည်းဘေးဘက်တွေ ပဲ့ကုန်တာမျိုး ဖြစ်ပါတယ်။ လက်သည်းကိုက်တာက အကျင့်တစ်ခုလိုဖြစ်လာပြီး အမြဲကိုက်နေမယ်ဆိုရင်တော့ လက်သည်းလည်း ပျက်စီးစေသလို ကျန်းမာရေးအတွက်လည်း မကောင်းပါဘူး။
လက်သည်းနီဆိုးခြင်း
လက်သည်းနီဆိုးတာက တစ်ခါတစ်လေဆိုရင်တော့ ဘာမှမဖြစ်ပေမယ့် လက်သည်းနီဆိုးလိုက်၊ လက်သည်းဖျက်ဆေးနဲ့ဖျက်လိုက်နဲ့ အမြဲတမ်းလုပ်နေမယ်ဆိုရင်တော့ လက်သည်းတွေက ပျက်စီးလာမှာပါ။ လက်သည်းပျက်စီးလာပြီဆိုရင် ခဏခဏကျိုးနေမှာပါပဲ။
Computer သုံးခြင်း
Computer နဲ့ အမြဲအလုပ်လုပ်နေရတဲ့သူတွေ၊ Computer အမြဲသုံးနေရတဲ့သူတွေက လက်သည်းအရှည်ထားရင် လက်ကွက်ရိုက်တဲ့အခါ ချော်ပြီးထောက်မိတာမျိုးတွေ အရမ်းဖြစ်ပါတယ်။ အခန့်မသင့်ရင် လက်သည်းကျိုးသွားနိုင်ပါတယ်။ အရမ်းလက်ကွက်မြန်မြန်ရိုက်ရတဲ့အခါတွေဆို လက်သည်းလည်းပျက်စီးနေရင် ခဏခဏကျိုးပါတယ်။
ဗီတာမင်ဓာတ်နဲ့သံဓာတ်ချို့တဲ့ခြင်း
ဗီတာမင်ဓာတ်နဲ့ သံဓာတ်ချို့တဲ့ရင်လည်း မကြာခဏ လက်သည်းကျိုးပါတယ်။ ဒါကြောင့် ဗီတာမင်ဓာတ်ကြွယ်ဝတဲ့ အစားအသောက်တွေနဲ့ သံဓာတ်ဖြစ်စေတဲ့ အစားအသောက်တွေကို များများစားပေးပါ။ လက်သည်းအတွက် Supplements တွေလည်းရှိတာကြောင့် အဲ့တာတွေသောက်ပေးနိုင်ရင်လည်း ကောင်းပါတယ်။
Photo source: www.freepik.com
