အဆီပြန်တဲ့အသားအရေပိုင်ရှင်တွေက မိတ်ကပ်လိမ်းတဲ့အခါမှာလည်း မိတ်ကပ်ကွက်တော့ စိတ်ညစ်ရပါတယ်။ Oily skin နဲ့လိုက်ဖက်တာတွေကို ရွေးဝယ်ရပါတယ်။ ဒီလိုပဲ Face Mask သုံးတဲ့အခါမှာလည်း တွေ့တဲ့ Face Mask တွေကိုမသုံးပဲ ကိုယ့်ရဲ့အဆီပြန်တဲ့အသားအရေနဲ့ အဆင်ပြေတာမျိုးကိုပဲ သုံးစွဲသင့်ပါတယ်။
ဒါကြောင့် ငွေကုန်သက်သာပြီး အဆီပြန်တဲ့အသားအရေအတွက် အသင့်တော်ဆုံးနဲ့ အကောင်းမွန်ဆုံးဖြစ်မယ့် အိမ်တွင်းဖြစ် Face Mask လေးကို မျှဝေပေးလိုက်ပါတယ်။
အိမ်တွင်းဖြစ် Face Mask လုပ်ဖို့ လိုအပ်တဲ့ပါဝင်ပစ္စည်းတွေကတော့ ကြက်ဥအကာ – ၁ လုံး၊ သခွားသီး – တစ်ဝက်၊ ပင်စိမ်းရွက် – ၅ ရွက်နဲ့ သံပုရာရည် – လက်ဖက်ရည်ဇွန်း ၁ ဇွန်း လိုအပ်ပါတယ်။
လုပ်ရမယ့်ပုံစံကတော့ ပါဝင်ပစ္စည်းအားလုံးကို Blender ထဲ ထည့်မွှေလိုက်ပါ။ ကြက်ဥကိုတော့ အကာချည်းပဲယူမှာဖြစ်တဲ့အတွက် အနှစ်မပါအောင် သတိထားပေးရပါမယ်။ မွှေပြီးလို့ရလာတဲ့အရည်ကို ပန်းကန်လုံးထဲထည့်ပြီး၊ ရေခဲသေတ္တာထဲမှာ (၁၀) မိနစ်ထည့်ထားလိုက်ပါ။
ရေခဲသေတ္တာထဲကထုတ်တာနဲ့ မျက်နှာမှာနှံ့ံနေအောင် သုတ်လိမ်းပေးပြီး (၁၅) မိနစ်ထားလိုက်ပါ။
အချိန်ပြည့်ရင်တော့ ရေနွေးနဲ့ မျက်နှာသစ်ပေးပြီး၊ ရေအေးနဲ့ မျက်နှာထပ်သစ်ပေးပါ။ အားလုံးပြီးတာနဲ့ သင့်မျက်နှာအသားအရေဟာ ကြည်လင်ပြီးသန့်စင်သွားတာကို တွေ့ရပါလိမ့်မယ်။ ဒါကတော့ အဆီပြန်တဲ့အသားအရေပိုင်ရှင်တွေအတွက် အသင့်တော်ဆုံးနဲ့ အကောင်းမွန်ဆုံး Face Mask လေးပါ။
Featured Image Source: Blogger Buzz
