ယနေ့ခေတ်မှာ တက်တူးထိုးခြင်းကို လူကြီးလူငယ်မရွေးနှစ်သက်သဘောကျလာပြီး တက်တူးရေးထိုးမှုတွေပြုလုပ်လာကြပါတယ်။ ကမ္ဘာကျော်ဘောလုံးသမား ဒေးဗစ်ဘက်ခမ်းဆိုရင် သူရဲ့ခန္ဓာကိုယ်မှာ တက်တူးအခုပေါင်း ၅၅ ခုရှိပါတယ်။
တက်တူးထိုးကြသူတော်တော်များများက ခန္ဓာကိုယ်မှာ အရုပ်တွေရေးဆွဲခြယ်မှုန်းကြရတာနှစ်သက်သလို တစ်ချို့ကလည်းသူတို့ရဲ့ရင်ထဲကခံစားချက်တွေကို ရုပ်ပုံတွေအဖြစ်နဲ့ အရေပြားပေါ်မှာမှတ်တမ်းတင်ကြတာဖြစ်ပါတယ်။
ဒီတစ်ခေါက်မှာ ကမ္ဘာကျော်အနုပညာရှင်တွေရဲ့ ခန္ဓာကိုယ်မှာထိုးထားတဲ့ တက်တူးတွေရဲ့ အဓိပ္ပါယ်တွေကိုပြောပြပေးချင်ပါတယ်။
(၁) Rihanna
အဆိုတော် Rihanna ဟာ သူမရဲ့ ရင်ဘတ်မှာ အီဂျစ်နတ်ဘုရားမရဲ့ပုံကို တက်တူးရေးဆွဲထားပါတယ်။ ဒါဟာ သူမရဲ့အဖွားကို ချီးကျူးဂုဏ်တင်တဲ့အနေနဲ့ ထိုးထားတဲ့ အမှတ်အသားတစ်ခုဖြစ်ပါတယ်။
(၂) Ariana Grande
အဆိုတော်မလေး Ariana Grande ရဲ့ နားရွှက်နောက်က ပျားပုံသဏ္ဍန်တက်တူးလေးကတော့ ၂၀၁၇ ခုနှစ်က မန်ချက်စတာကွင်းအတွင်း သူမရဲ့ ဖျော်ဖြေပွဲအပြီး ဖြစ်ပွားခဲ့တဲ့ အကြမ်းဖက်တိုက်ခိုက်ခံရမှုဖြစ်စဉ်နဲ့ပတ်သတ်ပြီး ရေးထိုးခဲ့တဲ့တက်တူးဖြစ်ပါတယ်။ သူမဟာ ဒီအကြမ်းဖက်တိုက်ခိုက်မှုမှာ သေဆုံးခဲ့လူတွေအတွက် အမှတ်ရနေစေဖို့ ဒီတက်တူးကို ထိုးခဲ့တာဖြစ်ပါတယ်။
(၃) Miley Cyrus
Miley Cyrus ကတော့ တက်တူးနဲ့ စိမ်းတဲ့သူတစ်ယောက်မဟုတ်ပါဘူး။ သူမရဲ့ ခန္ဓာကိုယ်မှာ တက်တူးတွေအများကြီးရှိပါတယ်။ အဓိကသူရဲ့လက်မှာထိုးထားတဲ့ ခွေးပုံတက်တူးလေးတွေကတော့ သူမရဲ့ အချစ်တော် Mary Jane နဲ့ Emu တို့ရဲ့ပုံလေးတွေကို အမှတ်တရ ရေးထိုးထားတာဖြစ်ပါတယ်။
(၄) Halsey
အဆိုတော်မလေး Halsey ကလည်း Miley Cyrus လိုပဲ သူမရဲ့ ခန္ဓာကိုယ်ကို တက်တူးတွေနဲ့ အလှဆင်ထားပါတယ်။ ထူးခြားတာတစ်ခုက သူမရဲ့ ညာဘက်လက်မောင်းပေါ်က မြင်းခွာဇောက်ထိုးပုံစံ တက်တူးလေးဖြစ်ပြီး ဒါဟာကံဆိုးခြင်းကိုပြတဲ့ သင်္တေကတစ်ခုဖြစ်ပါတယ်။ Halsey ဟာ ကံကောင်းခြင်းကို မလိုလားပဲ အလုပ်ကြိုးစားတာကိုပဲ ယုံကြည်သူတစ်ယောက်ဖြစ်ပါတယ်။
(၅) Sam Smith
Sam Smith ရဲ့လက်သကြွယ်မှာ ထိုးထားတဲ့ ညီမျှခြင်း သင်္ကေတလေးက လိင်တူခြင်းထိမ်းမြှားခြင်းအပေါ် တန်းတူအခွင့်အရေးရရန် ဖော်ပြထားတဲ့တက်တူးလေးဖြစ်ပါတယ်။ Sam ဟာ၂၀၁၇ ခုနှစ်နောက်ပိုင်းက စတင်ပြီး LGBTQ + အသိုင်းအဝိုင်းအတွက် တန်းတူညီမျှအခွင့်အရေးရဖို့အတွက် တက်ကြွလှုပ်ရှားစွာ ပါဝင်ခဲ့သူတစ်ဦးဖြစ်ပါတယ်။
