Music Video တွေက K-Pop Entertainment အတွက် မရှိမဖြစ်လိုအပ်တာမှန်ပေမယ့် ကိုရီးယားရုပ်သံရဲ့ တင်းကြပ်လွန်းတဲ့ စံနှုန်းတွေ ၊ လိုက်နာမှုမရှိတဲ့ ပြဿနာတွေကြောင့် Music Video တော်တော်များများဟာ တောင်ကိုရီးယားမှာ ထုတ်လွှင့်ခွင့် ပိတ်ခံခဲ့ရပါတယ်။
ဒီလိုပိတ်ခံခဲ့ရတဲ့ Music Video တွေထဲကမှ အခုပြောပြမယ့် Music Video တွေကတော့ နိုင်ငံလုံးဆိုင်ရာ ရုပ်သံလွှင့်ဌာန KBS ကနေ တားမြစ်ခံထားရတဲ့ နောက်ဆုံးထွက် Music Video တွေပါ။
“Like Crazy” by Jimin (BTS)
Jimin ရဲ့ soloist အဖြစ် ပထမဆုံးပွဲဦးထွက်ခဲ့တဲ့ album FACE က ဆုတွေအများကြီးရခဲ့ပေမယ့် ဒီထဲက သီချင်းတော်တော်များများကို KBS က ထုတ်လွှင့်ဖို့ မသင့်လျော် လို့ သက်မှတ်ခဲ့ပါတယ်။
“Wife” by (G)I-DLE
(G)I-DLE အဖွဲ့ကထွက်ခဲ့တဲ့ Single Song “Wife.” ထဲက တချို့စာသားတွေက လိင်ပိုင်းဆိုင်ရာ အလင်္ကာမြောက်တဲ့ စာသားတွေဖြစ်တာမလို့ စာသားတွေပြန်ပြင်ဖို့ တားမြစ်ခံခဲ့ရပါတယ်။
“Easy” by LE SSERAFIM
ဖေဖော်ဝါရီ ၁၉ ရက်နေ့က ထွက်ခဲ့တဲ့ LE SSERAFIM ရဲ့ နောက်ဆုံးမီနီအယ်လ်ဘမ်ဖြစ်တဲ့ EASY အတွက် ထွက်ခဲ့တဲ့ Music Video ထဲမှာ KBS က အများပြည်သူ ဘေးကင်းရေး အန္တရာယ်လို့ ယူဆထားတဲ့ Dryer နဲ့ Bathtub တို့ပါနေတာကြောင့် အန္တရာယ်ရှိနိုင်တဲ့ အပြုအမူကို ပုံဖော်ထားတယ်လို့သက်မှတ်ပြီး ထုတ်လွှင့်ခွင့် ပိတ်ပင်ခဲ့ပါတယ်။
“Wish You hell” by Wendy (Red Velvet)
Red Velvet အဖွဲ့ဝင် Wendy က တစ်ကိုယ်တော်သီချင်း “Wish You Hell” ကို မတ်လ 12 ရက်နေ့မှာ ဖြန့်ဖို့စီစဥ်ခဲ့ပေမယ့် KBS က “ Trademark Exposure ” ကြောင့်ဆိုပြီး ပိတ်ခဲ့ပါတယ်။
