ပရိတ်သတ်တွေအာရုံကို ဖမ်းစားထားနိုင်တဲ့ တက်သစ်စ မင်းသားချော (၄) ဦး

ယခုနှစ်အတွင်းထွက်ရှိထားတဲ့ ကိုရီယားဒရာမာကားအများစုမှာ နာမည်ကြီးသရုပ်ဆောင်များသာမက တက်သစ်စမင်းသား၊ မင်းသမီးများကပါ ကြည့်ရှုသူများ၏ အမြင်အာရုံကို ဖမ်းစားလာနိုင်ကြပါတယ်။ ထိုအထဲကမှ ယခုလက်ရှိ ထုတ်လွှင့်ပြသနေသည့် ဇာတ်လမ်းတွဲများထဲတွင် ပါဝင်သရုပ်ဆောင်နေသည့် တက်သစ်စ မင်းသားချော (၄) ဦးကို ရွေးချယ်ဖော်ပြပေးလိုက်ရပါတယ်။

Choi HyunWook (Twenty-five Twenty-One & Twinkling Watermelon)

Kim Tae Ri နှင့် Nam Joo Hyuk တို့ခေါင်းဆောင်နေရာကနေ ပါဝင်သရုပ်ဆောင်ထားသည့် “Twenty -Five Twenty-One” ဇာတ်လမ်းတွဲတွင် မင်းသမီး Bona ကို စိတ်ဝင်စားနေတဲ့ သူငယ်ချင်းအနေဖြင့် ပါဝင်သရုပ်ဆောင်ထားပါတယ်။ ဒါ့အပြင် မကြာသေးခင်ကမှ ထွက်ရှိထားတဲ့ Twinkling Watermelon မှာလည်း ပါဝင်ထားပါသေးတယ်။

Lee SinYoung (Rookie Cops)

“Rookie Cops” ဇာတ်လမ်းတွဲမှာ ပါဝင်သရုပ်ဆောင်ထားတဲ့ Lee SinYoung ကို Crush Landing on You ဇာတ်ကားထဲမှာလည်း မြင်ဖူးကြမှာပါ။

Hwang MinHyun (Alchemy Of Souls & Lovely Liar)

တချိန်တုန်းက NU’EST နဲ့ Wanna One တို့ရဲ့ အဖွဲ့ဝင်တစ်ဦးဖြစ်ခဲ့တဲ့ Hwang MinHyun ကတော့ သူ့ရဲ့ချောမောမှုကြောင့် Debut ချိန်ကတည်းက ကျော်ကြားခဲ့သူပါ။ ချိုမြန်တဲ့အပြုံး၊ နူးညံ့တဲ့အသံတို့နဲ့ Alchemy Of Souls နဲ့ Lovely Liar ဇာတ်လမ်းတွဲတွေမှာ ပါဝင်သရုပ်ဆောင်ထားပါတယ်။

Baek In Hyuk (Why Her?, Cheer Up, & Under The Queen’s Umbrella)

2022 ခုနှစ်ထဲမှာပဲ Why Her?, Cheer Up, & Under The Queen’s Umbrella စတဲ့ ဇာတ်ကားတွေမှာ ပါဝင်သရုပ်ဆောင်ခဲ့ပြီး မိန်းကလေးပရိတ်သတ်များကို ဖမ်းစားလျက်ရှိနေပါတယ်။ အပြုံးလှလှလေးများကို ပြုံးတတ်ရုံသာမက အသံလည်းကောင်းလွန်းသည့်အတွက် နှုတ်ခမ်းနီမလေးများ သည်းသည်းစွဲဖြစ်နေတာဖြစ်ပါတယ်။