ပျိုမေတို့ရဲ့အိမ်မက်တစ်ခုဖြစ်တဲ့ ဝိတ်ကျဖို့ဆိုတဲ့အချက်ကို ရေသောက်ရင်းနဲ့လည်းဖြေရှင်းလို့ရပါတယ်နော်။ ရေသောက်ရင်းနဲ့ဝိတ်ကျစေမယ်ဆိုတော့ နည်းနည်းတော့ထူးဆန်းနေတယ်မှတ်လား။ ရေများများသောက်တဲ့အခါမှာ သင့်ခန္ဓာကိုယ်ထဲမှာရှိနေတဲ့ အဆိပ်အတောက်တွေကို လျော့နည်းသွားစေပြီးအသားအရေကိုလည်း လှပစေပါတယ်။ ဒါပေမယ့် ရေထဲမှာဗီတာမင်ဓာတ်တွေ ကြွယ်ဝစွာပါဝင်တဲ့အသီးနှံတွေကိုထည့်ပြီး သောက်ပေးမယ်ဆိုရင် ပိုပြီးတော့အကျိုးသက်ရောက်မှုရှိစေပါတယ်။
ရှောက်သီးကိုရေထဲထည့်ပြီး သောက်တာကတော်တော်လေးကို အကျိုးသက်ရောက်မှုများပါတယ်။ သင်သောက်နေကျရေဘူးထဲကို ရှောက်သီးအကွင်းလိုက်လှီးထားတာတွေကို ထည့်ပြီးရေနဲ့ရောပြီးသောက်မယ်ဆိုရင်တော့ သင့်ကိုဗီတာမင်ဓာတ်တွေ ကြွယ်ဝစွာရရှိနေစေပြီးသင့်အသားအရေကိုလည်း ကြည်လင်စေပါတယ်။ ခန္ဓာကိုယ်ထဲမှာရှိတဲ့ မလိုအပ်တဲ့အဆီတွေကိုလည်း ဖယ်ရှားပေးနိုင်တာကြောင့် အဆီမရှိတဲ့ဝမ်းဗိုက်လေးကို ပိုင်ဆိုင်ရမှာပဲဖြစ်ပါတယ်။
ပန်းသီးလေးတွေကို အစိတ်ပါးပါးလေးတွေလှီးပြီး ရေဘူးထဲမှာထည့်ထားပေးလိုက်ပါ။ ရေဖြည့်ပြီးသစ်ဂျပိုးခေါက်တစ်ချောင်းကို ထည့်ပေးပြီးသောက်မယ်ဆိုရင်လည်း သင့်ကိုဝိတ်ကျဖို့အတွက် အထောက်အပံ့ကောင်းတွေဖြစ်စေမှာပေါ့။ ခန္ဓာကိုယ်ထဲမှာရှိတဲ့ အဆိပ်အတောက်တွေကို ချေဖျက်ပေးနိုင်တာကြောင့် သင့်အသားအရေကိုလည်း ကြည်လင်ပြီးလှပလာစေမှာပဲဖြစ်ပါတယ်။
သရက်သီးနဲ့ဂျင်းကိုရောပြီး ဖျော်ရည်လိုမျိုးလုပ်ပြီး သောက်မယ်ဆိုရင်တော့ အစာချေဖျက်မှုစနစ်ကို ကောင်းမွန်စေတာကြောင့် ဝိတ်လျော့တဲ့အခါမှာသောက်သင့်တဲ့ ဖျော်ရည်တစ်ခုပါပဲ။ မနက်ပိုင်းမှာသောက်ပေးမယ်ဆိုရင်တော့ သင့်ကိုယ်အလေးချိန်ကိုလည်း လျော့နည်းစေပါတယ်။
Photo Source: Pexels
