ဂျိုင်းမွှေးတွေဖယ်ရှားဖို့အတွက် အလွယ်ကူဆုံးသောနည်းလမ်းများ

ဂျိုင်းမွှေးတွေရှိနေရင် ဒီတိုင်းမထားသင့်ပါဘူး။ လက်ပြတ်ဝတ်တဲ့အခါ ကြည့်ရဆိုးစေသလို အနံ့အသက်လည်း မကောင်းစေပါဘူး။ ဂျိုင်းမွှေးဖယ်ရှားဖို့ နည်းလမ်းတွေကတော့ အများကြီးရှိပါတယ်။ အဲ့ထဲကမှ အလွယ်ကူဆုံးသော နည်းလမ်းတွေနဲ့ လုပ်ရမယ့်နည်းလမ်းတွေကို ပြောပြပေးလိုက်ပါတယ်။

Shaving

Shaving လုပ်တာက အမွှေးကြမ်းတွေထွက်စေတယ်၊ အမွှေးသန်တယ်ဆိုပေမယ့် သေချာနည်းလမ်းမှန်မှန်နဲ့ လုပ်မယ်ဆိုရင်တော့ အဲ့လောက်ကြီး မဆိုးရွားပါဘူး။ Shaving လုပ်တဲ့အားသာချက်ကတော့ မြန်ဆန်ပြီး အချိန်ကုန်သက်သာစေတယ်၊ နာကျင်မှုမရှိစေပါဘူး။

အရင်ဆုံး ဂျိုင်းကို ရေကြက်သီးနွေးနဲ့ သန့်စင်လိုက်ပါ။ ပြီးရင် Shaving Cream လိမ်းပါ။ ပြီးမှ Razor နဲ့ Shaving လုပ်ပါမယ်။ Shaving လုပ်တဲ့အခါ အောက်ကနေ အပေါ်ကို ရိတ်တာမျိုးမလုပ်ရပါဘူး။ အပေါ်ကနေ အောက်ကိုဆွဲချတဲ့ပုံစံမျိုး ရိတ်ရပါမယ်။ ရိတ်ပြီးရင် ရေနဲ့ပြန်သန့်စင်ပြီး အနည်းဆုံး ၁ နာရီ၊ ၂ နာရီလောက်ကြာမှ Deodorant သုံးပေးပါ။

Depilatory Cream

အချိန်ကုန်လည်းသက်သာချင်တယ်၊ အသားလည်းမနာချင်ဘူး၊ Shaving လည်းမလုပ်ချင်ဘူးဆိုရင်တော့ Depilatory Cream သာသုံးပါ။

အရင်ဆုံး ဂျိုင်းကို ရေနဲ့အရင်သန့်စင်ပါ။ ပြီးရင် Towel နဲ့သုတ်ပါ။ ပြီးရင်တော့ Depilatory Cream လိမ်းပြီး ကိုယ်သုံးတဲ့တံဆိပ်မှာပါတဲ့ အညွှန်းအတိုင်း ထားရမယ့်မိနစ်အတိုင်း ထားပေးပါ။ ပြီးရင်တော့ ရေနဲ့ပြန်သန့်စင်လိုက်တာနဲ့ အမွှေးတွေအားလုံး ပါသွားမှာပါ။ အနည်းဆုံး ၁ နာရီ၊ ၂ နာရီလောက်ကြာမှ Deodorant သုံးပေးပါ။

Waxing

ဂျိုင်းမွှေးထွက်တာသန်တယ်၊ အမွှေးရှည်တယ်ဆိုရင် Waxing လုပ်ပါ။ အသားနည်းနည်းလေးနာပေမယ့် Waxing လုပ်တာက အချိန်ပိုကြာကြာခံပါတယ်။ အမွှေးထွက်နှုန်းလည်း ပိုနှေးလာစေပါတယ်။

အရင်ဆုံး ဂျိုင်းကိုသန့်စင်ပြီး ဆဲလ်သေတွေဖယ်ရှားဖို့ Scrub တိုက်ပေးပါ။ ကြမ်းကြမ်းတမ်းတမ်း ပွတ်တိုက်တာမျိုး မလုပ်ရပါဘူး။ Scrub တိုက်ပြီးရင် ရေနဲ့သန့်စင်ပြီး အဝတ်နဲ့သုတ်ပါ။ ခြောက်သွားပြီဆိုရင် ဂျိုင်းကို ပေါင်ဒါလိမ်းပေးပါ။ ပြီးရင်တော့ Waxing စလုပ်လို့ရပါပြီ။ Waxing လုပ်တဲ့အခါ လိမ်းရင် အောက်ကနေ အပေါ်ကိုဆွဲလိမ်းရပါမယ်။ ဆွဲခွာတဲ့အခါမှာတော့ အပေါ်ကနေ အောက်ကို ခွာချရပါမယ်။ ပြီးရင်တော့ ဂျိုင်းကို ရေနဲ့သန့်စင်ပြီး ခြောက်အောင်သုတ်ပါ။ နောက်ဆုံးမှာတော့ ဒီတိုင်းမထားပဲ Almond Oil လေး လိမ်းထားပေးရင် ပိုကောင်းပါတယ်။