လမ်းခွဲတော့မယ်ဆိုရင် တစ်ယောက်နဲ့တစ်ယောက် နာကျည်းချက်တွေ၊ မကျေနပ်ချက်တွေနဲ့ လမ်းခွဲမယ့်အစား နှစ်ယောက်လုံး အဆင်ပြေအောင် လမ်းခွဲတာက ပိုကောင်းပါတယ်။

သေချာစဉ်းစားပါ

လမ်းခွဲတော့မယ်ဆိုရင် နှစ်ယောက်လုံး သေချာစဉ်းစားပါ။ ဘာကြောင့် လမ်းခွဲမှာလဲ၊ တကယ်ပြတ်နိုင်ရဲ့လား၊ သေချာစဉ်းစားပါ။ လမ်းခွဲပြီးမှ နောင်တရတာမျိုး မဖြစ်ပါစေနဲ့။

ညှိုနှိုင်းပါ

လွယ်လွယ်လေးနဲ့ လမ်းမခွဲပါနဲ့။ တစ်ယောက်နဲ့တစ်ယောက် သေချာပြန်ညှိုနှိုင်းလိုက်ရင် အဆင်ပြေသွားနိုင်ပါတယ်။ ညှိုနှိုင်းပြီးတာတောင် လမ်းခွဲမယ်ဆိုလည်း နှစ်ဦးသဘောတူ ကျေကျေနပ်နပ်နဲ့ အပြုံးနဲ့ပဲ လမ်းခွဲပါ။ ဒါမှ နှစ်ယောက်လုံး ခံစားရတာ သက်သာပါလိမ့်မယ်။

ပြတ်သားပါ

လမ်းခွဲတော့မယ်ဆိုရင် ပြတ်သားဖို့တော့လိုပါတယ်။ လမ်းခွဲခဲ့ပြီးမှ မပြတ်မသားနဲ့ တစ်ခုခုဆို သွားပြီး ပြန်ပတ်သက်မိတာမျိုးတော့ မဖြစ်ပါစေနဲ့။ ကိုယ့်စိတ်ကိုလည်း ပြတ်သားနိုင်မှသာ နာကျင်ခံစားရတာ၊ ဝမ်းနည်းရတာမျိုး မဖြစ်မှာပါ။

မကောင်းကြောင်းတွေလျှောက်မပြောပါနဲ့

နှစ်ဦးသဘောတူ ကျေကျေနပ်နပ်နဲ့ လမ်းခွဲပြီးရင်လည်း တစ်ဖက်လူရဲ့ မကောင်းကြောင်းတွေကို လျှောက်ပြောတာမျိုး၊ နောက်ကွယ်မှာ ပြောတာမျိုးတွေ မလုပ်မိပါစေနဲ့။

မကျေနပ်ချက်တွေ social media ပေါ်မတင်ပါနဲ့

နောက်ဆုံးအနေနဲ့ အရေးကြီးတာကတော့ လမ်းခွဲခဲ့ပြီးမှ မကျေနပ်ချက်တွေ၊ မကောင်းကြောင်းတွေကို social media ပေါ် မတင်ပါနဲ့။ ကိုယ့်အတွက်လည်း မကောင်းသလို၊ တစ်ဖက်လူအတွက်လည်း မကောင်းပါဘူး။

photo source:www.freepik.com