ဈေးသင့်တင့်ပြီး လက်အသားအရေကို နူးညံ့ချောမွေ့လာစေမယ့် အကောင်းဆုံး Hand Cream များ

လက်အသားအရေ ခြောက်သွေ့ကြမ်းတမ်းနေတယ်ဆိုရင် Hand Cream သေချာသုံးပါ။ Hand Cream သုံးပေးတာက လက်အသားအရေကို နူးညံ့ချောမွေ့လာစေပြီး လက်အရေခွံကွာတာ၊ လက်ဖဝါးကွဲအက်တာတွေကိုပါ သက်သာစေပါတယ်။ လက်မှာလည်း အရေးအကြောင်းတွေ မြန်မြန်မဖြစ်အောင် ကြိုတင်ကာကွယ်ပေးနိုင်ပါတယ်။ ဈေးအရမ်းကြီးတာတွေလည်း မသုံးချင်တဲ့သူတွေအတွက် ဈေးသင့်တင့်ပြီး Quality လည်းကောင်းတဲ့ Hand Cream တချို့ကို မျှဝေပေးလိုက်ပါတယ်။

CeraVe Therapeutic Hand Cream

လိမ်းလိုက်ရင် အသားထဲစိမ့်ဝင်လွယ်ပြီး မတည့်တဲ့သူလည်း ရှားပါတယ်။ ဒါပေမယ့် လိမ်းပြီးရင်တော့ နည်းနည်း Greasy ဖြစ်သလို ခံစားရပါတယ်။ Ceramides, Niacinamide, Hyaluronic Acid အဓိကပါဝင်ပါတယ်။ အသားအရေကို အစိုဓာတ်ကောင်းကောင်းပေးနိုင်ပြီး လက်အသားအရေ နူးညံ့ချောမွေ့လာစေပါတယ်။ အနံ့မပါတဲ့အတွက် လူတိုင်းသုံးရတာ အဆင်ပြေမှာပါ။

Dove Body Love Fragrance-Free Hand Cream

သူလည်း လိမ်းလိုက်ရင် အသားထဲစိမ့်ဝင်လွယ်ပြီး အစိုဓာတ်ကို ၄၈ နာရီကြာ ပေးနိုင်ပါတယ်။ ဒါကြောင့်လည်း လက်အသားအရေ ခြောက်သွေ့ကြမ်းတမ်းတာတွေကို သက်သာစေပြီး လက်အသားအရေ စိုပြည်ကာ နူးညံ့ချောမွေ့လာစေတာပေါ့။ Glycerin နဲ့ Dimethicone အဓိကပါဝင်တာဖြစ်ပြီး Fragrance-free, Cruelty-free ဖြစ်ပါတယ်။

Love Beauty and Planet Murumuru Butter & Rose Hand Cream

အနံ့အရမ်းကောင်းတဲ့ Hand Cream မျိုးသုံးချင်တဲ့သူတွေ ရွေးချယ်သင့်ပါတယ်။ Floral/Rose အနံ့လေးဖြစ်လို့ မိန်းကလေးတွေ အရမ်းသဘောကျမှာပါ။ Glycerin, Murumuru Butter အဓိကပါဝင်ပြီး Cruelty-free ဖြစ်ပါတယ်။ အသားအရေက Sensitive ဖြစ်တဲ့သူတွေအတွက်လည်း အရမ်းအဆင်ပြေပါတယ်။ လိမ်းလိုက်ရင် အသားထဲစိမ့်ဝင်တာမြန်ပြီး အသားအရေ နူးညံ့ချောမွေ့သွားစေပါတယ်။ အချိန်ကြာကြာလည်း Moisturizing ဖြစ်စေပါတယ်။

Nubian Heritage African Black Soap Hand Cream

Shea Butter, Coconut Oil, Cocoa Butter, Olive Oil, Jojoba Oil အဓိကပါဝင်တာကြောင့် အသားအရမ်းခြောက်ပြီး လက်ဖဝါးအက်ကွဲတတ်တဲ့သူတွေ သုံးသင့်ပါတယ်။ လက်အသားအရေကို အစိုဓာတ်သေချာပေးနိုင်တာကြောင့် အသားအရေ နူးညံ့ချောမွေ့လာစေပြီး လိမ်းလိုက်ရင်လည်း အသားထဲစိမ့်ဝင်သွားတာ မြန်ပါတယ်။ အနံ့ကတော့ Coconut, Fruity အနံ့လေး ဖြစ်ပါတယ်။ သူလည်း Cruelty-free ဖြစ်ပါတယ်။