ဆံပင်ကောက်ရင် ဆံသားပျက်စီးလို့၊ လူကြီးဆန်လို့ ဆံပင်ကိုမကောက်ချင်ဘူး၊ ဒါပေမယ့် တစ်ခါတစ်လေတော့ အပြောင်းအလဲလေးဖြစ်သွားအောင် ဆံပင်ကောက်ကြည့်ချင်တယ် ဆိုတဲ့သူတွေနဲ့ ဆံသားမပျက်စီးပဲ ဆံပင်ကောက်ချင်တဲ့သူတွေအတွက် ဆံပင်ကောက်စက်တွေ၊ အပူချောင်းတွေနဲ့ ကောက်စရာမလို၊ လိပ်စရာမလိုပဲ တစ်ညထားပေးရုံနဲ့ လှပတဲ့ဆံပင်အကောက် Wave Hair လေး ရရှိနိုင်မယ့် နည်းလမ်းကောင်းကို မျှဝေပေးလိုက်ပါတယ်။
လှပတဲ့ ဆံပင်အကောက် Wave Hair လေးရဖို့ ခေါင်းပတ်ပုဝါအရှည် (သို့) ခြေအိတ်အသစ်အရှည်၊ သားရေကွင်း ၂ ကွင်းနဲ့ ခေါင်းစည်းကြိုး ၂ ကွင်းပဲ လိုပါတယ်။
အိပ်ယာဝင်ခါနီးမှာ စလုပ်ပါမယ်။
ခေါင်းပတ်ပုဝါအရှည် (သို့) ခြေအိတ်အသစ်အရှည်ကို ပုံမှာပြထားတဲ့အတိုင်း ခေါင်းမှာပတ်ပြီး ဆံပင်ကို အဲ့ပုဝါ (သို့) ခြေအိတ်မှာ လိပ်လိပ်ပြီး ယူသွားပေးရပါမယ်။
အောက်နားထိလိပ်ယူပြီးရင် သားရေကွင်းနဲ့စည်းလိုက်ပါ။ ပြီးရင်တော့ ဆံပင်အားလုံးကို ပြန်လိပ်ယူပြီး ဆံထုံးလေးထုံးပေးပါ။ ထုံးထားတဲ့ဆံထုံးကိုမှ ပိုပြီးခိုင်မြဲသွားအောင် ခေါင်းစည်းကြိုးနဲ့ ပြန်ပတ်ပေးပါ။
ပြီးရင်တော့ အဲ့အတိုင်းလေးလုပ်ပြီး ညအိပ်လိုက်ပါ။
မနက်ရောက်ရင် ဆံပင်ကိုဖြည်ချပြီး ဘီးနဲ့မဖြီးပဲ လက်နဲ့ပဲ နည်းနည်းသပ်ပေးပါ။ ပြီးရင်တော့ Hair Setting Spray ဖြန်းပေးပါ။
ဒါဆိုရင်တော့ အပူချောင်းတွေ၊ လိပ်စက်တွေမလိုပဲ တစ်ညထားလိုက်ရုံနဲ့ လှပတဲ့ဆံပင်အကောက် Wave Hair လေးကို ရရှိသွားမှာပါ။
Source:www.jessicavu
