သင့်အသားအရေကို အမြဲတမ်းနုပျိုစိုပြေနေစေမယ့် ရိုးရှင်းလွယ်ကူပြီး အကောင်းဆုံးဖြစ်စေမယ့် သဘာဝပေါင်းတင်နည်တွေကို ဒီကနေ့မှာ မျှဝေပေးသွားပါမယ်။
၁။ ဒိန်ချဉ်နဲ့ ပျားရည်
ဒိန်ချဉ်စားပွဲတင်ဇွန်း (၁) ဇွန်း၊ ပျားရည် စားပွဲတင်ဇွန်း (၁) ဇွန်း ၊ သံပုရာရည်အနည်းငယ်ကို ခွက်တစ်လုံးထဲထည့်ပြီး မွှေလိုက်ပါ။ ပြီးရင် မျက်နှာကိုသေချာသစ်ပြီး ခြောက်အောင်သုတ်လိုက်ပါ။ အဲဒီနောက် စောစောကရောထားတဲ့ ဒိန်ချဉ်နဲ့ ပျားရည်ကိုလိမ်းပြီး နာရီဝက်လောက်ထားပါ။ ပြီးရင် ရေနွေးနွေးလေးနဲ့ ဆေးချလိုက်ပါ။
၂။ ထောပတ်သီး
ခြောက်သွေ့တဲ့အသားအရေအတွက် အသင့်တော်ဆုံးဖြစ်ပါတယ်။ ထောပတ်သီးမှည့်တစ်ခြမ်းကိုထုတ်ပြီး ပြဲသွားအောင်လုပ်ပါ။ ပြီးရင်သံလွင်ဆီ စားပွဲတင်ဇွန်း ၁ ဇွန်းထည့်ပါ။ အဲဒီနောက် မျက်နှာပေါ်မှာလိမ်းပေးပြီး ၁၅ မိနစ်လောက်ထားပါ။ ပြီးရင်ရေနွေးလေးနဲ့ရေဆေးချလိုက်ပါ။
၃။ ပျားရည်နဲ့ နို့
သင့်အသားအရေကို ကြည်လင်စေဖို့နဲ့ ချွေးပေါက်ကို သန့်စင်ပေးစေမယ့် ပေါင်းတင်နည်းပါ။ နို့စားပွဲတင်ဇွန်း (၁) ဇွန်း၊ ပျားရည် စားပွဲတင်ဇွန်း (၁) ဇွန်း၊ ကြက်ဥအကာ (၁) လုံး ထည့်လိုက်ပြီး သေချာမွှေလိုက်ပါ။ ပြီးရင်မျက်နှာပေါ်လိမ်းပေးပြီး ၁၅ မိနစ်လောက်ထားပါ။ အဲဒီနောက် ရေအေးအေးနဲ့ ဆေးချလိုက်ပါ။
၄။ သခွားသီး နဲ့ ပန်းသီး
သခွားသီးတစ်ခြမ်း၊ ပန်းသီး တစ်ခြမ်း နဲ့ သံပုရာအရည်အနည်းငယ်၊ ကြက်ဥအကာ တစ်လုံး ယူပါ။ ပါဝင်ပစ္စည်းအားလုံးကို ကြိတ်စက်ထဲထည့်ပြီးကြိတ်လိုက်ပါ။ ပြီးရင်မလိမ်းခင် ရေခဲသေတ္တာထဲ တစ်နာရီလေက်ထည့်ထားပါ။ ပြီးရင်မျက်နှာနဲ့ လည်ပင်းကို သေချာလိမ်းပေးပြီး မိနစ် ၂၀ လောက်ထားပါ။ အဲဒီနောက် ရေနွေးနွေးလေးနဲ့ ဆေးချပါ။
သခွားသီးကို ပါးပါးလှီးပြီးကပ်ချင်လည်းရပါတယ်။
မှတ်ချက် – အခုဖော်ပြခဲ့တဲ့ ပေါင်းတင်နည်းတွေကို မသုံးခင်မှာ မျက်နှာကို အရင်သစ်ပေးထားပြီး ခြောက်အောင်သုတ်ပေးထားရပါမယ်။
