လေ့ကျင့်ခန်းလုပ်ဖို့အတွက် Gym ကိုသီးသန့်ဆော့ဖို့ အချိန်မပေးနိုင်ပေမယ့် အိမ်မှာပဲ အဆင်ပြေသလို လုပ်လို့ရပါတယ်။
ခါးသေးစေဖို့
ကိုယ်ကိုမတ်မတ်ထား လက်နှစ်ဖက်ကို အပေါ်မြောက် (သို့) နောက်စေ့ပေါ်တင်လိုက်ပါ။ ပြီးရင် ခါးကိုပဲ ဟိုဖက်ဒီဖက်ယိမ်းလိုက်ပါ။ ဘယ်ညာ နှစ်ခါကို (၁)ခေါက်လို့မှတ်ပါ။ တစ်နေ့ကို အနည်းဆုံး ၁၅ ခေါက်လုပ်ပေးပါ။ (ခါးကိုပဲ ရွေ့ရမှာဖြစ်ပါတယ်။ တင်မပါပါဘူးနော်။)
Plank
တဒေါင်ဆစ်နှစ်ဖက်ကို ကြမ်းပြင်မှာထောက်ပြီး ခန္တာကိုယ်ကိုလေပေါ်ကြွက အောက်ကခြေထောက်နှစ်ဖက်ကိုလည်း ကြမ်းပြင်နဲ့ထိထားရမှာဖြစ်ပါတယ်။ ပြီးရင် ငြိမ်ငြိမ်လေးဒီအတိုင်းနေပါ။ ဒီလေ့ကျင့်ခန်းဟာ သင့်ရဲ့ ဝမ်းဗိုက်ကို ဖိအားဖြစ်နေမှာဖြစ်ပြီး ဗိုက်ချပ်ဖို့အတွက် အကောင်းဆုံး လေ့ကျင့်ခန်းဖြစ်ပါတယ်။ Plank ပုံလေ့ကျင့်ခန်းကိုလည်း မိမိကြိုက်သလို လေ့လာပြီး ပုံစံအမျိုးမျိုး ပြုလုပ်နိုင်ပါတယ်။
Burpee
ဒါကတော့ လူကြိုက်များတဲ့ လေ့ကျင့်ခန်းတမျိုးပါပဲ။ အရင်ဆုံးမတ်တပ်ရပ်မယ်။ ပြီးရင် ထိုင်ချလိုက်မယ်။ ထိုင်ချတဲ့အခါမှာ ရင်ဘတ်နဲ့ဒူးခေါင်းထိပြီး လက်နက်ဖက်ကို ကြမ်းပြင်မှာ ချထားပါ။ ပြီးရင် လေးဖက်ထောင့်ပုံစံ ပြန်ပြောင်းပါ။ ပြီးရင် စောစောကလို ပြန်ထိုင်ပြီး မတ်တပ်ရပ်ရမှာပါ။
ဒိုက်ထိုးမယ်
ဒိုထိုးတာက နည်းနည်းတော့ ခက်ပါတယ်။ ဒါပေမယ့်လည်း ထိုးနေကျသူအတွက်ဆိုရင်တော့လည်း အလွယ်လေးပါ။ လက်မောင်းသားကိုလှစေမှာဖြစ်ပြီး လက်မောင်းနောက်က အသားကိုလည်း ကျစ်လျစ်စေမှာဖြစ်ပါတယ်။
Squats
လက်ဖက်ကိုရှေ့ဆန့်ထုတ်လိုက်ပါ။ ပြီးရင် တင်နဲ့အောက်ပိုင်းကို တစ်ဝက်လောက် ထိုင်ချပါ။ ပြီးရင်ပြန်မတ်ပါ။ တင်လှစေမှာဖြစ်ပြီးတော့ ပေါင်သားလည်းလှစေမှာဖြစ်ပါတယ်။
Lunges
လက်နှစ်ဖက်ကို ခါးထောက်လိုက်ပါ။ ပြီးရင် ခြေထောင့်တစ်ဖက်ကို ရှေ့ထုတ်ပြီး တစ်ဖက်ကို နောက်ကိုဆုတ်ထားပါ။ (ပုံပါအတိုင်း) တစ်ဖက်တစ်ချက်ဆီလုပ်ပေးပါ။
ဂဏာန်းလိုလမ်းလျှောက်မယ်
လက်နှစ်ဖက်ကိုနောက်ပစ် ခြေထောက်နှစ်ဖက်ကိုလည်း ပက်လက်လှန်ထောင့်လိုက်ပါ။ ပြီးရင် အဲဒီအတိုင်း လမ်းလျှောက်သလို လျှောက်ပေးပါ။
ခုန်ပါ
ကိုယ်ကိုမတ်မတ်ရပ်ပြီး လက်ကိုမြောက် ခြေထောက်ကို ဘေးကားပြီး ခုန်လိုက်ပါ။ ကိုယ်အလေးချိန်ကို မှန်စေမှာဖြစ်ပြီးတော့ အရပ်ရှည်ဖို့အတွက် အကူအညီပေးမှာဖြစ်ပါတယ်။
အိပ်ထမတင်
အမျိုးသမီးအများစု ကြိုက်နှစ်သက်ကြတဲ့ လေ့ကျင့်ခန်းပါပဲ။ ဗိုက်ချပ်စေပြီး ခန္ဓာကိုယ်ပေါ့ပါးသွက်လက်စေပါတယ်။
အခုဖော်ပြခဲ့တဲ့လေ့ကျင့်ခန်းတွေလုပ်ရင် Gym ကို တကူးတကသွားစရာမလိုတော့ပါဘူး။
