စိတ်ပင်ပန်းနေတယ် ၊ စိတ်ဖိစီးမှုတွေခံစားနေရရင် ယောဂလုပ်ကြည့်ပါ။ ယောဂကနေပေးတဲ့ အကျိုးကျေးဇူးတွေထဲမှာ စိတ်ဖိစီးမှုကို လျော့ချပေးတာလည်း တစ်ခုအပါဝင်မလို့ စိတ်ဖိစီးမှုကို လျော့ကျစေမှာပါ။
Stick Pose (Yastikasana)
ဖျာပေါ်မှာ လှဲပြီး ခြေထောက်နှစ်ဖက်ကိုဆန့်လိုက်ပါ။ လက်နှစ်ဘက်ကို အပေါ်မှာဆန့်ပြီး ခန္ဓာကိုယ်ကို တတ်နိုင်သမျှ ဆန့်ထုတ်လိုက်ပါ။ 5 စက္ကန့် 10 စက္ကန့်လောက် ဆန့်ထုတ်ပြီး အသက်ပြင်းပြင်းရှူပါ။ နှစ်ကြိမ် သုံးကြိမ် ပြန်လုပ်ပါ။
Corpse Pose (Savasana)
ဖျာပေါ်မှာ လှဲပြီး ခြေထောက်နှစ်ဖက်ကိုဆန့်လိုက်ပါ။ လက်နှစ်ဘက်ကို ဘေးမှာချထားလိုက်ပါ။ ဒါက ခေါင်းကနေ ခြေဖျားအထိ ခန္ဓာကိုယ်တစ်ခုလုံးကို ပြေလျော့စေပါတယ် ။ ကျောအောက်ပိုင်း ညောင်းလာရင် ခေါင်းအုံးကို ဒူးအောက်မှာထားပါ။ ငါးမိနစ်ကနေ မိနစ် 20 လောက်နေပါ။
Reclining Bound Angle With Bolster (Supta Baddha Konasana)
ဖျာပေါ်မှာ လှဲပြီး စောင် ဒါမှမဟုတ် မျက်နှာသုတ်ပုဝါကို ခေါက်ပြီး ခေါင်းနဲ့ကျောရိုးအောက်မှာ ထားပါ။ ခြေဖဝါးနှစ်ခုကို ထိလိုက်ပါ။ လက်နှစ်ဖက်ကို ဆန့် မျက်လုံးမှိတ်ပြီး ငါးမိနစ်လောက်နေပါ။
Legs Up the Wall Pose (Viparita Karani)
လူက ကြမ်းပြင်မှာလှဲပြီး ခြေထောက်နှစ်ချောင်းကို နံရံပေါ်မှာ ထောင်လိုက်ပါ။ လက်ဖဝါးနှစ်ဖက်ကို လှန်ပြီးချထားပါ။ ခနနေလို့ ခြေထောက်ထုံလာမှ ဖြည်းဖြည်းချင်း ပြန်ချပါ။
Rag Doll Pose (Uttanasana Variation)
ခြေထောက်ကို နည်းနည်းခွာပြီး မတ်တပ်ရပ်ပါ။ တံတောင်ဆစ်တစ်ခုစီကို ကိုင်ပြီး အရှေ့ကိုကိုင်းချပါ။ 10 စက္ကန့်ကနေ တစ်မိနစ်အထိ နေပေးပါ။ ဒီပုံစံကိုတော့ အူလမ်းကြောင်းပြဿနာရှိသူ ဒါမှမဟုတ် သွေးတိုးရှိသူတွေတော့ မလုပ်သင့်ပါဘူး။
One-Legged Seated Forward Bend (Janu Shirasasana)
8″ />
အရင်ဆုံး ခြေထောက်တွေကိုဆန့်ပြီး ကြမ်းပြင်ပေါ်မှာ ထိုင်လိုက်ပါ။ ခြေထောက်တစ်ဖက်ကို ကွေးပြီး လက်နှစ်ဖက်နဲ့ ဆန့်ထားတဲ့ခြေဖဝါးကို ရသလောက် လှမ်းကိုင်လိုက်ပါ။ 10 စက္ကန့်ကနေ 60 စက္ကန့်ထိထားပါ။ ပြီးမှ နောက်တစ်ဖက်ကိုလုပ်ပေးပါ။
Revolved Abdomen Pose (Jathara Parivartanasana)
အရင်ဆုံးကြမ်းပြင်မှာ လှဲပြီး လက်နှစ်ဘက်ကို ဘေးကိုဆန့်ထားပါ။ ဒူးနှစ်ဘက်ကိုကွေးပြီး မြှောက်လိုက်ပါ။ ပြီးမှ ညာဘက်ကို ဖြည်းဖြည်းချင်းချပါ။ ခေါင်းကို ညာဘက်လှည့်ပြီး 10 စက္ကန့်ကနေ 60 စက္ကန့်ထိထားပါ။ ပြီးမှ နောက်တစ်ဖက်ကိုလုပ်ပေးပါ။
