ခါးသေးသွယ်ချင်ပေမယ့် လေ့ကျင့်ခန်းလုပ်ရမှာ ပျင်းတယ်၊ သိပ်မလုပ်နိုင်ဘူးဆိုတဲ့ သူတွေအတွက် ခါးသေးသွယ်စေဖို့ အထောက်အကူပြုတဲ့ အလွယ်ကူဆုံးသော လေ့ကျင့်ခန်း ၅ မျိုးကို မျှဝေပေးလိုက်ပါတယ်။ အများကြီးမလုပ်နိုင်ရင်တောင်မှ ဒီလေ့ကျင့်ခန်း ၅ မျိုးကို ပုံမှန်လုပ်ပေးရင် ခါးသေးသွယ်လာစေမှာပါ။
Bicycle Crunches
ပုံမှာလုပ်ပြထားတဲ့အတိုင်း ခြေထောက်ကို ဘယ်ညာတစ်လှည့်စီ စက်ဘီးနင်းတဲ့ပုံစံမျိုး လုပ်သွားပေးရမှာပါ။ အရမ်းမြန်စရာလည်း မလိုပါဘူး။ နည်းနည်းသွက်သွက်လေး လုပ်ပေးရင် ရပါတယ်။ အနည်းဆုံး စက္ကန့် ၃၀ မှ ၁ မိနစ်အထိ လုပ်ပေးနိုင်ပါတယ်။
Mountain Climbers
ဒီလေ့ကျင့်ခန်းကျတော့ မြန်မြန်သွက်သွက်လေးလုပ်ပေးရင် ပိုကောင်းပါတယ်။ ခြေထောက်ကိုဘယ်ညာတစ်လှည့်စီ ပုံမှာလုပ်ပြထားသလို လုပ်ပေးပါ။ သူ့ကိုလည်း အနည်းဆုံး စက္ကန့် ၃၀ မှ ၁ မိနစ်အထိ လုပ်ပေးနိုင်ပါတယ်။
Crunches
ဒီလေ့ကျင့်ခန်းကတော့ အလွယ်ပြောရရင် အိပ်ထမတင် လေ့ကျင့်ခန်းပါပဲ။ စစချင်းမှာတော့ သေချာမထနိုင်ပေမယ့် လုပ်ရင်းနဲ့ သွက်ပြီး လုပ်နိုင်လာမှာပါ။ ခါးသေးရုံတင်မဟုတ်ပဲ ဗိုက်ပါသိသိသာသာချပ်လာစေမယ့် လေ့ကျင့်ခန်းဖြစ်ပါတယ်။ အနည်းဆုံး ၁၅ ကြိမ် လုပ်ပေးပါ။
Russian Twists
ခါးသေးစေဖို့၊ ဗိုက်အဆီကျစေဖို့ဆိုရင်တော့ Russian Twists လေ့ကျင့်ခန်းက မပါမဖြစ်ပါပဲ။ လုပ်ရတာလည်း မခက်ပါဘူး။ လုပ်ရင်းနဲ့သွက်လာပြီး လွယ်ကူလာမှာပါ။ ပုံမှာလုပ်ပြထားတဲ့အတိုင်း ဘယ်လှည့်ညာလှည့်နဲ့ တစ်ဖက်ကို အနည်းဆုံး ၁၅ ကြိမ်မှ အကြိမ် ၃၀ အထိ လုပ်ပေးနိုင်ပါတယ်။
Plank
ခါးအဆီ၊ ဗိုက်အဆီကျဖို့ဆိုရင်လည်း Plank ထောက်တဲ့ လေ့ကျင့်ခန်းက မပါမဖြစ်ပါပဲ။ စစချင်းမှာတော့ အကြာကြီးနေနိုင်မှာမဟုတ်တဲ့အတွက် ၁၅ စက္ကန့် အရင်စနေကြည့်ပါ။ နေနိုင်ပြီဆိုရင် စက္ကန့် ၃၀ တိုးလုပ်သွားပါ။ စက္ကန့် ၃၀ နေရတာ အဆင်ပြေလာရင် ၁ မိနစ်နေပေးပါ။ ဒါဆိုရင်တော့ ဗိုက်အဆီ၊ ခါးအဆီတွေ သိသိသာသာ ကျသွားမှာပါ။
