Lee Joon Gi ကိုကြိုက်တဲ့ ပရိသတ်တွေအတွက် သူပါဝင်သရုပ်ဆောင်ထားတဲ့ Drama ထဲမှာမှ အကောင်းဆုံးဖြစ်တဲ့ Drama 5 ခုကို ဖော်ပြပေးလိုက်ပါတယ်။ အကုန်လုံးက စိတ်ဝင်စားဖို့ကောင်းတဲ့ Drama တွေချည်းပဲဖြစ်တာကြောင့် ကြည့်ပြီးသားသူတွေလည်း နောက်တစ်ခေါက်ပြန်ကြည့်ဖို့ မရိုးရသလို မကြည့်ရသေးတဲ့သူတွေအတွက်လည်း ကြည့်စရာ Drama ကောင်းလေးတွေ ရသွားတာပေါ့။

Again My Life (2022)

ဒီ Drama ထဲမှာတော့ Lee Joon Gi က အထက်တန်းမှာ အမြဲဘိတ်ချေးရတဲ့ Kim Hee Woo အဖြစ်နဲ့ သရုပ်ဆောင်ထားပါတယ်။ စာညံ့ပေမယ့် ကြိုးစားခဲ့တာကြောင့် နောက်ဆုံးမှာ တက္ကသိုလ်ဝင်ခွင့်ရကာ bar exam ကို အောင်မြင်ခဲ့တဲ့အတွက် စုံထောက်တစ်ယောက် ဖြစ်လာခဲ့ပါတယ်။ နိုင်ငံရေးသမားတွေနဲ့ ပတ်သက်တဲ့အမှုကို စုံစမ်းရင်းနဲ့ အသတ်ခံလိုက်ရပေမယ့် ဆန်းကြယ်စွာပဲ အသက်ပြန်ရှင်လာခဲ့ပါတယ်။ အဲ့နောက်မှာ ဘာတွေဆက်ဖြစ်မလဲဆိုတာကို စိတ်ဝင်စားဖွယ်ကြည့်ရှုရမယ့် Drama ဖြစ်ပါတယ်။

Flower of Evil (2020)

Lee Joon Gi က ဒီ Drama ထဲမှာတော့ Psychopath တစ်ယောက်ဖြစ်တဲ့ Baek Hee Sung အဖြစ်နဲ့ သရုပ်ဆောင်ထားပြီး မင်းသမီး Moon Chae-won က Psychopath နဲ့ပတ်သက်တဲ့အမှုတွေကို အသည်းအသန်လိုက်စုံစမ်းနေတဲ့သူပါ။ အဲ့နောက်မှာ ဘာတွေဆက်ဖြစ်မလဲဆိုတာကိုတော့ သည်းထိတ်ရင်ဖိုနဲ့ စိတ်ဝင်စားဖွယ်ကြည့်ရမှာ ဖြစ်ပါတယ်။

Lawless Lawyer (2018)

ငယ်ငယ်ထဲက မိခင်ဖြစ်သူအသတ်ခံရတာကို မျက်စိရှေ့မှာမြင်တွေ့ခဲ့ရတဲ့ Bong Sang-pil ဟာ ရဲကို အကူအညီတောင်းခဲ့ပေမယ့် ဥပဒေဆိုတာ မသမာသူတွေရဲ့ လက်ထဲရောက်ရင် အသုံးမဝင်တော့ဘူးဆိုတာကို သိသွားခဲ့ပြီး ကြီးလာတဲ့အခါမှာတော့ ရှေ့နေတစ်ယောက်ဖြစ်လာပြီး မိခင်အတွက် လက်စားချေဖို့ စီစဉ်ခဲ့ပါတယ်။ အဲ့နောက်မှာ ဘာတွေဆက်ဖြစ်မလဲဆိုတာကို စိတ်ဝင်စားဖွယ်ကြည့်ရမှာဖြစ်လို့ Must Watch Drama ပါပဲ။

Criminal Minds (2017)

ဗုံးရှင်းလင်းရေး ရဲတပ်ဖွဲ့ဝင်ဖြစ်တဲ့ Kim Hyun-joon ဟာ Profiling လို့ခေါ်တဲ့ အမှုကို လေ့လာသုံးသပ် ကောက်ကြောင်းဖော်ပေးတဲ့ပညာကို ဗုံးပေါက်ကွဲမှုဖြစ်ပြီးနောက်ပိုင်း မယုံကြည်တော့ပါဘူး။ တစ်နေ့မှာတော့ လူပျောက်အမှုတစ်ခုကိုလိုက်ရင်းနဲ့ ဒီအမှုဟာ ကွင်းဆက်လူသတ်မှုတစ်ခုနဲ့ ဆက်စပ်နေတဲ့အခါမှာတော့ Kim Hyun-joon က NCI ဆိုတဲ့ အထူးတပ်ဖွဲ့နဲ့ပူးပေါင်းလိုက်ပါတယ်။ အဲ့နောက်မှာ ဘာတွေဆက်ဖြစ်မလဲဆိုတာကို ဆက်ကြည့်ရမှာ အရမ်းစိတ်ဝင်စားဖို့ကောင်းတဲ့ Drama တစ်ခုပါ။

Moon Lovers: Scarlet Heart Ryeo (2016)

Moon Lovers ကတော့ အထူးတလည်ညွှန်းပြီး ရေးနေစရာတောင် မလိုတော့ပါဘူး။ K-Drama ကြည့်သူတိုင်း Lee Joon Gi ကိုကြိုက်သူတိုင်း ကြည့်ဖူးတဲ့ Drama ပါပဲ။ Season 2 လာဖို့ မျှော်နေကြပေမယ့် မလာသေးတော့လည်း ဒါလေးကိုပဲ အလွမ်းပြေပြန်ကြည့်လို့ရတာပေါ့။