အသက်ကြီးလာရင် မိတ်ကပ်အမြဲလိမ်းဖို့တော့ လိုအပ်နေတာမျိုးမဟုတ်ပေမယ့် လိမ်းရတဲ့အခါတွေရှိပါတယ်။ အမြဲတမ်းလိမ်းရတာလည်း မဟုတ်တော့ တစ်ဘူးဆို အကြာကြီးအသုံးခံပါတယ်။ ဈေးကြီးလည်း လတွေအကြာကြီး သုံးရတာကြောင့် Budget ထိခိုက်တာမျိုးလည်း မဖြစ်စေပါဘူး။ ဒါကြောင့် အသက် ၄၀ ကျော်အမျိုးသမီးများအတွက် အကောင်းဆုံး မိတ်ကပ် Foundation (၅) မျိုးကို မျှဝေပေးလိုက်ပါတယ်။
Kosas Tinted Face Oil Comfy Skin Tint
ဒီ Foundation က အသားအရေကို Moisturizing ပေးလို့ နေ့တိုင်းသုံးဖို့ဆိုလည်း အဆင်ပြေပါတယ်။ လိမ်းထားလိုက်ရင် ချောမွေ့သွားပြီး မိတ်ကပ်သားလည်း လှပါတယ်။ ဒါကြောင့် အသက်ကြီးရင် အသားခြောက်လာတဲ့သူတွေအတွက်လည်း အရမ်းအဆင်ပြေပါတယ်။ ရွေးချယ်စရာ Shade ကလည်းများတာကြောင့် ကိုယ့်အသားအရောင်နဲ့ အဆင်ပြေတာကို ရွေးချယ်နိုင်ပါတယ်။
Charlotte Tilbury Airbrush Flawless Longwear Foundation
လတ်တလော အရမ်းနာမည်ကြီးနေတဲ့ ဒီ Foundation က အသက် ၄၀ ကျော်တွေအတွက်လည်း အရမ်းကောင်းပါတယ်။ လိမ်းထားရင် Full Coverage ရစေပြီး မိတ်ကပ်သား သိပ်သိပ်ညက်ညက်လေးနဲ့ အရမ်းလှပါတယ်။ သူ့မှာလည်း ရွေးချယ်စရာ Shade တွေ အများကြီးပါ။
Uoma Beauty by Sharon C Flawless IRL Skin Perfecting Foundation
ဒီ Foundation ကျတော့ အရေးအကြောင်းတွေ၊ ချွေးပေါက်တွေကို သေချာဖုံးပေးနိုင်ပြီး လိမ်းထားရင် ခြောက်ခြောက်ကြီးမဖြစ်ပဲ မိတ်ကပ်သားစိုစိုပြောင်ပြောင်လေးနဲ့ အရမ်းလှပါတယ်။ ဒါကြောင့် အသက် ၄၀ ကျော်တွေ၊ အသားအရမ်းခြောက်တဲ့သူတွေအတွက်တော့ အကောင်းဆုံးပါပဲ။
IT Cosmetics Your Skin But Better Foundation + Skincare
ဒီ Foundation ကတော့ မကောင်းဘူးလို့ပြောတဲ့သူ မရှိသလောက်ရှားပါတယ်။ Foundation + Skincare Effects တွေလည်း ပါတာကြောင့် အသားအရေအတွက်လည်း အရမ်းအဆင်ပြေပါတယ်။ သူ့ထဲမှာက Hyaluronic acid, Aloe vera extract, Vitamins E, Vitamins B5 စတာတွေပါဝင်ပါတယ်။ ဒါကြောင့် အသက် ၄၀ ကျော်တွေ ပိုပြီးရွေးချယ်သင့်ပါတယ်။ သူက မိတ်ကပ်သား သိပ်သိပ်ညက်ညက်လေးနဲ့ အရမ်းလှပါတယ်။
L’Oréal Age Perfect Radiant Serum Foundation Sunscreen
ဒီ Foundation ကျတော့ လိမ်းရတာပေါ့ပါးမှုရှိပြီး အသားအရေကို Hydrating ဖြစ်စေပါတယ်။ Serum Foundation ဖြစ်ပြီး Sunscreen လည်း SPF 50 တောင်ပါလို့ အသက်ကြီးတဲ့သူတွေအတွက် အထူးသင့်တော်ပါတယ်။ အသက်ကြီးလာရင် Sunscreen ကိုလည်း တကူးတကမသုံးဖြစ်တော့ ဒါလေးက တော်တော်အဆင်ပြေပါတယ်။
source:www.instyle.com
