နွေရာသီမှာ ပေါ့ပေါ့ပါးပါးလိုက်ဝတ်နိုင်မယ့် ထိုင်းမင်းသမီးလေး June Wanwimol ရဲ့ Summer ဖက်ရှင်များ

မင်္ဂလာပါနော်။ နွေရောက်လာပြီဖြစ်လို့ ပူအိုက်တဲ့ရာသီမှာ ဝတ်လို့ကောင်းမယ့် ပေါ့ပေါ့ပါးပါးဖက်ရှင် Outfit လေးတွေကို ရှာထားသင့်ပါပြီနော်။ ဒီတစ်ခေါက်မှာ နွေရာသီဖက်ရှင်နဲ့ပက်သက်ပြီး ခေါင်းစားဖို့မလိုအောင် အိုင်ဒီယာယူနိုင်မယ့် ထိုင်းမင်းသမီးချောလေး June Wanwimol ရဲ့ Summer ဖက်ရှင်လေးတွေကို ဖော်ပြပေးချင်ပါတယ်။

ပါးဖောင်းဖောင်းလေးနဲ့ ချစ်စရာကောင်းတဲ့ မင်းသမီးလေး June Wanwimol ဟာဆိုရင် အသက် ၂၂ နှစ်သာရှိသေးတဲ့ လူငယ် မော်ဒယ်လ်မင်းသမီးတစ်လက်ဖြစ်ပါတယ်။ သူမဟာ ထိုင်းနိုင်ငံနာမည်ကြီး အနုပညာ ကုမ္ပဏီဖြစ်တဲ့ GMMTV လက်အောက်ကတစ်ဆင့် ၂၀၁၈ ခုနှစ်မှာ ပွဲဦးထွက်သရုပ်ဆောင်ခဲ့ပြီး “Boy For Rent” ၊ “Who Are You” ၊ “10 Years Ticket” နဲ့ “F4 Thailand: Boy Over Flower” စတဲ့ဇာတ်လမ်းတွဲတွေမှာ ဇာတ်ပို့အနေနဲ့ ပါဝင်ခဲ့ကာ လူသိများလာခဲ့ပါတယ်။

Instagram မှာ ဓာတ်ပုံလှလှလေးတွေအမြဲရိုက်တင်တတ်တဲ့သူမဟာ ဖက်ရှင်ပိုင်းမှာလည်း သူမရဲ့ ခန္ဓာကိုယ်သွယ်သွယ်လေးနဲ့ လိုက်ဖက်ပြီး လူငယ်ဆန်တဲ့ Outfit လေးတွေ ရွေးဝတ်တတ်သူပါ။ June ဝတ်တဲ့ ပေါ့ပေါ့ပါးပါးဖက်ရှင်လေးတွေက ပူအိုက်တဲ့ရာသီမှာ ထသွားထလာဝတ်ဖို့ Outfit Idea ရှာနေသူတွေအတွက် ကွက်တိပါပဲ။