ထိုင်းမင်းသမီးလေး Bow Maylada ကိုတော့ London Sweeties အချစ်ဟာသဇာတ်လမ်းထဲက အိုးခိုင်မော့လို့ ယောင်တတ်တဲ့ ချစ်စရာကောင်မလေးအနေနဲ့ ဇာတ်လမ်းတွဲကြိုက်ပရိသတ်တွေ ရင်းနှီးပြီးသားဖြစ်မှာပါ။ သူမရဲ့နာမည်အရင်းကတော့ Maylada Susri ဖြစ်ပြီး Bow လို့ချစ်စနိုးခေါ်ကြပါတယ်။ သူမကို ၁၉၉၆ ခုနှစ် ဇွန်လ ၄ ရက်နေ့မှာမွေးဖွားခဲ့တာဖြစ်ပြီး အသက် (၂၅) နှစ်ရှိပါပြီ။
မင်းသမီးမဖြစ်ခင်က အမျိုးအမီးအဆိုတော်အဖွဲ့တစ်ခုမှာ အဖွဲ့ဝင်တစ်ဦးအနေနဲ့ ပါဝင်ခဲ့ပြီး ၂၀၁၃ ခုနှစ်မှာ မော်ဒယ်ပြိုင်ပွဲတစ်ခုကနေ ဆုရရှိခဲ့ပြီးနောက် ရုပ်ရှင်လောကကိုဝင်ရောက်လာခဲ့တာပါ။ လက်ရှိမှာ အကောင်းဆုံးသရုပ်ဆောင်ထူးချွန်ဆုများစွာရရှိထားတဲ့ ထိုင်းနိုင်ငံရဲ့အကျော်ကြားဆုံး မင်းသမီးတွေထဲက တစ်ဦးအဖြစ်ရပ်တည်နေပြီး မကြာသေးခင်ကမှ မင်းသား James နဲ့အတူ “OM! Crush On Me” လို့ခေါ်တဲ့ ရုံတင်ဇာတ်ကားတစ်ခုကိုလည်း ထွက်ရှိထားပါသေးတယ်။
သူမမှာ မြင်သူတိုင်းရဲ့ရင်ကိုအေးချမ်းစေတဲ့ အပြုံးချိုချိုလေးတွေပိုင်ဆိုင်ထားတဲ့အပြင် ၅ ပေ ၉ လက်မအထိရှည်တဲ့ အရပ် အပြင် ကျစ်လျစ်သွယ်လျပြီး ထင်းထွက်နေတဲ့ ခန္ဓာကိုယ်အချိုးအဆစ်ရှိသူတစ်ဦးလည်းဖြစ်ပါတယ်။ ဒီတစ်ခေါက်မှာ သူမကိုချစ်တဲ့ပရိသတ်တွေနဲ့ အရပ်ရှည်ရှည်နဲ့ချစ်စရာကောင်းချင်တဲ့ ပျိုမေတို့အတွက် ကျက်သရေရှိပြီးကျော့ရှင်းနေတဲ့ Bow ရဲ့ဖက်ရှင်အိုင်ဒီယာလေးတွေကိုဖော်ပြပေးလိုက်ပါတယ်။
Photo Source: Pinterest
By MyStyle Myanmar