ထိုင်းမင်းသမီးချော Araya A. Hargate ရဲ့ ဆွဲဆောင်မှုရှိလှတဲ့ ဖက်ရှင်ပုံရိပ်များ

အားလုံးပဲ မင်္ဂလာပါ။ Tootsies & the Fake ထိုင်းဟာသဇာတ်လမ်းထဲက မင်းသမီးလေး Araya A. Hargate ကို သိကြမယ်ထင်ပါတယ်နော်။ သူမကိုကြိုက်တဲ့၊ ချစ်တဲ့ ပရိသတ်တွေနဲ့ သူမကိုအခုမှစသိတဲ့ ပရိသတ်တွေအတွက် Araya A. Hargate ရဲ့အကြောင်းတစေ့တစောင်းပြောပြရင်းနဲ့ သူမရဲ့ ဖက်ရှင်ပုံရိပ်လေးတွေကိုပါ တစ်ခါတည်းမျှဝေပေးလိုက်ပါတယ်။

Araya ရဲ့ နာမည်အရင်းကတော့ Araya A. Hargate လို့လည်း ခေါ်သလို Araya Alberta Hargate လို့လည်း ခေါ်ပါတယ်။ သူမကိုချစ်စနိုးနဲ့ Chompoo လို့လည်း လူသိများကြပါတယ်နော်။

သူမက ထိုင်းနိုင်ငံမှာဆို အင်မတန်ကျော်ကြား နာမည်ကြီးတဲ့ သရုပ်ဆောင် မင်းသမီး၊ မော်ဒယ်၊ အစီအစဉ်တင်ဆက်သူတစ်ယောက်ပါ။ သူမကို ၁၉၈၁ ခုနှစ် ဇွန်လ ၂၈ ရက်နေ့မှာ မွေးဖွားခဲ့တာဆိုတော့ အခုဆိုရင်ပဲ အသက် ၃၉ နှစ်ပြီဖြစ်သော်လည်း နုပျိုလှပနေဆဲပါပဲ။ သူမရဲ့ အရပ်က ၅ ပေ ၇ လက်မ ရှိတာကြောင့် အရပ်မြင့်မြင့် ဒေါင်ကောင်းကောင်း မင်းသမီးတစ်ဦးပေါ့။

သူမရဲ့ အဖေက အင်္ဂလန်လူမျိုး၊ အမေက ထိုင်းလူမျိုးဆိုတော့ သူမက ကပြားမလေးတစ်ဦးပဲဖြစ်ပါတယ်။ သူမရဲ့အမျိုးသားကလည်း ကျိကျိတက်ချမ်းသာတဲ့ စီးပွားရေးလုပ်ငန်းရှင်တစ်ဦးဖြစ်ပြီး ချစ်စရာကောင်းတဲ့သားလေးအမြွှာနှစ်ယောက်ကို ပိုင်ဆိုင်ထားတဲ့မေမေ တစ်ယောက်လည်း ဖြစ်ပါတယ်နော်။