ထိုင်းမင်းသမီးချော Mook ဝတ်ဆင်ခဲ့ဖူးတဲ့ Dress ဖက်ရှင်လေးတွေ

အခုတစ်ခေါက် MyStyle Myanmar က တင်ဆက်ပေးနေကျဖြစ်တဲ့ အနုပညာရှင်တို့ရဲ့ ဖက်ရှင်ကဏ္ဍအစီအစဥ်အတွက် အလှည့်ကျလာသူလေးကတော့ ထိုင်းမင်းသမီးချော Mook ပဲဖြစ်ပါတယ်။

Mook ကို သိပ်မရင်းနှီးကြမယ့် ပရိသတ်တွေအတွက် သူမရဲ့အကြောင်းလေးကို အရင်ဆုံး နည်းနည်းလောက်ပြောပြပေးမယ်နော်။

သူမရဲ့နာမည်အရင်းက Worranit Thawornwong ဖြစ်ပြီးတော့ အများစုကတော့ Mook လို့ပဲ ခေါ်ကြပါတယ်။ ၁၉၉၆ ခုနှစ် အောက်တိုဘာလ (၉) ရက်နေ့မှာ ဘန်ကောက်မြို့မှာ မွေးဖွားခဲ့ပြီး သူမရဲ့မိသားစုမှာတော့ ဒုတိယမြောက်ဖြစ်ပါတယ်။

သူမရဲ့အစ်ကို Jirakit Thawornwong ကလည်း မင်းသားအဖြစ် လုပ်ကိုင်နေပါတယ်။ Kasetsart University ကနေပြီးတော့ ကျောင်းပြီးထားပြီးတော့ ၂၀၁၄ ခုနှစ်မှာ အနုပညာလောကထဲ စတင်ဝင်ရောက်လာခဲ့တာပါ။

Idolo Thailand ရဲ့ Brand Ambassador လည်းဖြစ်တဲ့ သူမဟာ Ugly Duckling Series နဲ့ အနုပညာလောကမှာ နေရာတစ်နေရာ ရလာခဲ့တာဆိုလည်း မမှားပါဘူးနော်။ အခုချိန်မှာတော့ GMMTV မှာ နာမည်အကြီးဆုံး မင်းသမီးတစ်လက်လည်းဖြစ်ပါတယ်။

သူမရဲ့ဇာတ်လမ်းတွေကို ပြောရမယ်ဆိုရင်တော့ Oh My Boss, The Three GentleBros, Mia Noi, Ugly Duckling (TV series), Love At First Hate, My Dear Loser, Mint To Be, Girl Next Room စတာတွေပဲ ဖြစ်ပါတယ်။

ကဲ ဒါဆိုရင် Mook ရဲ့ ပရိသတ်တွေအတွက် သူမဝတ်ဆင်ခဲ့ဖူးတဲ့ Dress ဖက်ရှင်လေးတွေကို ဖော်ပြပေးချင်ပါတယ်နော်။