ထိုင်းဇာတ်လမ်းတွဲတွေ ကို ကြိုက်တဲ့ ပရိသတ်တွေ ကြားမှာတော့ လက်တလောမှာ ရေပန်းစားနေတဲ့ မင်းသား တစ်ယောက်ရှိပါတယ်။ သူ့ရဲ့ နာမည်ကတော့ Mick Tongraya ပဲဖြစ်ပါတယ်နော်။ Mickကို (၁၉၉၂) ခုနှစ် နိုဝင်ဘာ (၂၈) ရက်နေ့မှာ မွေးဖွားခဲ့တာဖြစ်ပြီး ထိုင်းနဲ့ ဒိန်းမတ် ကပြား တစ်ယောက်လည်းဖြစ်ပါတယ်။

Mick Tongraya က တော့ (၂၀၀၈)ခုနှစ်တုန်းက “Dream Star Search” မှာ ပါဝင်ရင်းနဲ့ အနုပညာ လမ်း ကြောင်းပေါ် ကို ရောက်လာခဲ့တာဖြစ်တယ်။ အဲ့ဒီမှာတော့ အကောင်းဆုံး မျက်နှာသစ် သရုပ်ဆောင် မင်းသား ဆု ရခဲ့ပါတယ်။ Zah Tah Fun (၂၀၁၀) မှာ ဇာတ်ပို့ မင်းသားနေရာကနေ ပါဝင်သရုပ်ဆောင်ခွင့်ရခဲ့ပြီး အဲ့ဒီနောက်မှာတော့ ဒရမ်မာဇာတ်ကား တော်တော် များများမှာ အဓိက မင်းသားနေရာကနေ ပါဝင် သရုပ်ဆောင်ခဲ့တာပဲဖြစ်ပါတယ်။

မကြာသေးခင်ကပြသသွားတဲ့ Mick ရဲ့ Sapai Import(2020) (နိုင်ငံခြားပြန် ရှယ်ချွေးမ) ဆိုတဲ့ ဇာတ်ကား ကိုလည်း မြန်မာပရိသတ်တွေ တော်တော်လေး ကြိုက်ကြပါတယ်။ ဒါ့အပြင် သူရဲ့ဇာတ်ကားတွေဖြစ်တဲ့Look Poo Chai Mai Tapode, Yo Manut Dap Thewada, Petch Tud Peth တို့နဲ့လည်း ပရိသတ် ကြားမှာ နာမည်ကြီးလာခဲ့တာဖြစ်တယ်။

အခုချိန်မှာအောင်မြင်ကျော်ကြားနေတဲ့မင်းသားတစ်ဉီးဖြစ်တဲ့အပြင် သူ့ရဲ့ခပ်မိုက်မိုက်ဘော်ဒီကြောင့်လည်း မိန်းကလေးပရိတ်သတ်တော်တော်များများကပါ ကြွေရတဲ့သူတစ်ယောက်လည်းဖြစ်ပါတယ်နော်။ သူ့ရဲ့ယောကျာ်းပီသလှတဲ့မျက်နှာနဲ့ အမိုက်စားဘော်ဒီကြောင့် သူရဲ့ဖက်ရှင်ကလည်း စမတ်ကျနေပြန်ရောပေါ့..

Photo Source: Pinterest

Source: WiKi