ရှားပါးလှတဲ့အားလပ်ရက်တွေမှာ ဘယ်တွေသွားပြီး၊ ဘာတွေလုပ်ကြမလဲ။ ခရီးတွေသွားရတာလည်း နေရာကထပ်နေပြီ။ ဆန်းသစ်တဲ့စိတ်ခံစားမှုတွေနဲ့ သူများနဲ့မတူတဲ့ ခရီးမျိုးကိုသွားချင်တယ်။ ဒါဆိုရင်တော့ ဒီဆောင်းပါးလေးဖတ်ပြီး အိုင်ဒီယာယူလိုက်ပါ။

ရွက်ဖျင်တဲတွေပါပါစေ

camping of men and women group at forest. they relaxing

Photo : Lotus Belle

အရင်သွားနေကြခရီးတွေနဲ့မတူတဲ့ ခရီးမျိုးသွားချင်တယ်ဆိုရင် ရွက်ဖျင်တဲတွေကို ယူခဲ့ဖို့မမေ့ပါနဲ့။ အတွေ့အကြုံအသစ်တွေရှာကြမယ်၊ စိတ်လက်ပေ့ါပါးစွာအနားယူကြမယ်။ ရွက်ဖျင်တဲတွေပါပါစေ။

တောင်တွေနားမှာအပန်းဖြေမယ်

 three friends sit in camping chairs on top of a mountain,

Photo : Hipcamp

တောင်တွေအနားကို ရောက်အောင်သွားကြည့်လိုက်ပါ။ ထူးခြားတဲ့နွေးထွေးမှုတွေကို ရရှိပါလိမ့်မယ်။ ရွက်ဖျင်တဲလေးနဲ့ တောင်တွေနားမှာ စခန်းချပြီးအနားယူကြည့်ပါ။ ဖတ်စရာစာအုပ်တွေပါရင်တော့ ပိုကောင်းတာပေ့ါ။ အရမ်းထူးခြားတဲ့ စိတ်ခံစားမှုတွေရရှိနိုင်မယ့် ခရီးကောင်းတစ်ခုဖြစ်ပါလိမ့်မယ်။

မြစ်ကမ်းနားမှာအပန်းဖြေမယ်

Couple sitting and resting on the beach playing guitar on a summer day near river

Photo : arkansasoutside.com

သင်သွားနေကျခရီးပုံစံမျိုးကနေ တမူထူးခြားတဲ့ခရီးမျိုးကို ဖန်တီးလိုက်ပါ။ မြစ်ကမ်းဘေးမှာ အေးအေးလူလူထိုင်ပြီး ငါးမျှားရတဲ့ခံစားချက်က သင့်ဦးနှောက်နဲ့ခန္ဓာကိုယ်ကို များစွာအထောက်အကူပြုပါလိမ့်မယ်။ ကော်ဖီတစ်ခွက်တော့ ဘေးမှာအသင့်ရှိပါစေ။ ညောင်းညာတဲ့အခါ ရွက်ဖျင်တဲမှာ အနားယူလို့ရပါသေးတယ်။

ယာခင်းတွေနားမှာအပန်းဖြေမယ်

Group of friends on a camping trip sitting outside a tent

Photo : Cool Camping

ယာခင်းတွေ၊ သီးနှံစိုက်ခင်းတွေနားမှာ အပန်းဖြေဖို့စိတ်ကူးကြည့်ပါ။ စိုက်ခင်းပိုင်ရှင်တွေနဲ့ ရင်းနှီးသိကျွမ်းနိုင်ပြီး သူတို့ဆီကဒေသန္တရဗဟုသုတတွေကိုလည်း ရရှိနိုင်ပါတယ်။ ညဘက်တွေမှာ ရွက်ဖျင်တဲပတ်လည်မှာ မီးပုံပွဲကျင်းပပြီး ခရီးသွားခြင်းရဲ့အရသာကို လွတ်လပ်ပေ့ါပါးစွာခံစားနိုင်ပါတယ်။