အလှအပရေးရာ တော်တော်များများအတွက် Tee Tree Oil ရဲ့ ဘက်စုံအသုံးဝင်ပုံများ

အခုနောက်ပိုင်းမှာတော့ Tee Tree Oil ကို မိန်းကလေးတော်တော်များများ သုံးစွဲလာတာတွေ့ရပါတယ်။ Tea Tree Oil ရဲ့အဓိကအားသာချက်ကတော့ ဝက်ခြံသမားတွေအတွက် အရမ်းကောင်းတာပါပဲ။ သူက အဆီပြန်တာကိုသက်သာစေပြီး ဝက်ခြံတွေဆိုလည်း ခြောက်သွားစေပါတယ်။ ဒါ့အပြင်တခြားအာသာချက်တွေနဲ့ အလှအပရေးရာတော်တော်များများမှာ အသုံးဝင်နေတဲ့အချက်လေးတွေလည်း ရှိပါသေးတယ်။

ဝက်ခြံ

ဝက်ခြံထွက်လို့စိတ်ညစ်နေတဲ့ ပျိုမေတို့အနေနဲ့ Tea Tree Oil ကို ဂွမ်းတံလေးနဲ့ယူပြီး ဝက်ခြံထွက်နေတဲ့နေရာလေးတွေမှာ သုတ်လိမ်းပေးပါ။ တစ်ပတ်မပြည့်ခင်မှာပဲ ဝက်ခြံတွေ သက်သာပျောက်ကင်းသွားတာကို တွေ့ရမှာပါ။

Moisturizer

Moisturizer ကုန်နေတဲ့အခါနဲ့ မရှိတဲ့အခါမျိုးမှာဆို Tea Tree Oil ကို Moisturizer အဖြစ်နဲ့ အသုံးပြုနိုင်ပါတယ်။ အသုံးပြုရမယ့်ပုံစံကတော့ ပန်းကန်ထဲကို ပန်းသီးရှာလကာရည် – လက်ဖက်ရည်ဇွန်းတစ်ဇွန်း၊ ရေ – လက်ဖက်ရည်ဇွန်းတစ်ဇွန်းနဲ့ Tea Tree Oil – အနည်းငယ်တို့ကို ရောမွှေလိုက်ပါ။ ပြီးမှ ဂွမ်းဖတ်လေးနဲ့ယူပြီး မျက်နှာမှာသုတ်လိမ်းပေးရုံပါပဲ။

Makeup Brush Spray

Tea Tree Oil ကို Makeup brush လေးတွေသန့်စင်တဲ့ Spray အဖြစ်နဲ့လည်း အသုံးပြုလို့ရပါတယ်။ Spray ဘူးအလွတ်လေးထဲကို ရေနဲ့ Alcohol အနည်းငယ်ထည့်ပြီး Tee Tree Oil ကို ၁၀ စက်ထည့်ပေးပါ။ ဘူးကိုလှုပ်ယမ်းပြီး Makeup Brush တွေကို သန့်စင်ပေးလိုက်မယ်ဆိုရင်တော့ Makeup Brush တွေက အမြဲသန့်စင်နေမှာပါ။

ဗောက်ပျောက်စေဖို့

ခေါင်းမှာဗောက်တွေထနေပြီဆိုရင်တော့ ပန်းကန်လုံးထဲကို ခေါင်းလိမ်းဆီ – စားပွဲတင်ဇွန်းတစ်ဇွန်းနဲ့ Tea Tree Oil – ၅ စက်ချပြီး ရောမွှေလိုက်ပါ။ ပြီးတာနဲ့ ဦးရေပြားအနှံ့သေချာလေး နှိပ်နယ်ပြီးလိမ်းပေးမယ်ဆိုရင် ဗောက်တွေကချက်ချင်းပဲ သက်သာပျောက်ကင်းသွားမှာပါ။

ချွေးနံ့ပျောက်ဆေး

အံ့သြစရာကောင်းလောက်အောင်ပဲ Tea Tree Oil ဟာ ချွေးနံ့ပျောက်ဆေးအနေနဲ့လည်း အသုံးပြုလို့ရပါသေးတယ်။ လုပ်ရမှာကတော့ ပန်းကန်လုံးထဲကို အုန်းဆီ – အနည်းငယ်၊ မုန့်ဖုတ်ဆိုဒါ – အနည်းငယ်နဲ့ Tea Tree Oil – ၂ စက် (သို့) ၃ စက်လောက် ထည့်မွှေပြီး ဂျိုင်းမှာအသာလေးပွတ်လိမ်းပေးလိုက်ပါ။ ဒီလိုလေးပုံမှန်လုပ်ပေးမယ်ဆိုရင်တော့ ဂျိုင်းချွေးနံ့နဲ့ ချွေးနံ့ဆိုးတွေကို သက်သာပျောက်ကင်းစေပါတယ်။