ပိန်ပိန်ရှည်ရှည် ခန္ဓာကိုယ်ပိုင်ရှင်ပျိုမေတို့အတွက် T-ara အဖွဲ့ဝင် Jiyeon ရဲ့ ဖက်ရှင်များ

အားလုံးပဲမဂ်လာပါနော်…ဒီနေ့ပြောပြပေးချင်တဲ့အကြောင်းအရာလေးကတော့ ကေပေါ့ပရိသတ်တော်တော်များများရဲ့ အသည်းစွဲအဖွဲ့တစ်ဖွဲ့ဖြစ်ခဲ့တဲ့ T-ara အဖွဲ့ထဲက အဆိုတော် သရုပ်ဆောင် မင်းသမီးလေး Jiyeon ရဲ့ ဖက်ရှင်တွေပဲ ဖြစ်ပါတယ်။

အဆိုကောင်းအကကောင်းသလို ဇာတ်ကားတွေလည်း ရိုက်ခဲ့ဖူးတဲ့ သူမကလည်း ဖက်ရှင်အပိုင်းမှာပါ ပြောစရာမလိုအောင် စမတ်ကျနေတဲ့သူ တစ်ယောက်လည်းဖြစ်ပါတယ်နော်။

Jiyeon ရဲ့ နာမည်အပြည့်အစုံက Park Ji-yeon ဖြစ်ပြီးတော့ ၁၉၉၃ ခုနှစ် ဇွန်လ ၇ ရက်နေ့က တောင်ကိုရီးယားနိုင်ငံ ဆိုးလ်မြို့မှာ မွေးဖွားခဲ့တာဖြစ်ပါတယ်။

အရပ်အမြင့် ၁.၆၇ (၅ပေ ၆ လက်မ) ရှိပြီး သွေးအမျိုးအစားကတော့ AB ဖြစ်ပါတယ်။၂၀၁၀ ခုနှစ်က ထုတ်လွင့်ခဲ့တဲ့ Master of Study ဇာတ်လမ်းတွဲမှာ ဇာတ်ပို့မင်းသမီးအဖြစ် သရုပ်ဆောင်ခဲ့ဖူးပါတယ်။

အဲဒီနောက် Dream High 2 , My Runway, I Wanna Hear Your Song, Imitation စတဲ့ ရုပ်သံဇာတ်လမ်းတွဲတွေလည်း အများကြီး ပါဝင်ရိုက်ကူးခဲ့သူဖြစ်ပါတယ်။