အမိုက်စားခန္ဓာကိုယ်အချိုးအစားနဲ့ စမတ်ကျလှတဲ့ စူပါမော်ဒယ်လ် Karlie Kloss ရဲ့ ဖက်ရှင်တွေ

အားလုံးပဲမင်္ဂလာပါနော်။ ဒီတခါမှာတော့ ပရိသတ်တွေအားလုံးနဲ့ ရင်းနှီးပြီးသား နာမည်ကျော် မော်ဒယ်လ်တစ်ဦးဖြစ်တဲ့ Karlie Kloss ရဲ့ ဖက်ရှင်တွေကိုမျှဝေပေးသွားမှာဖြစ်ပါတယ်။

Karlie Kloss က စူပါမော်ဒယ်လ်တစ်ဦးလည်းဖြစ်သလို Brand Ambassador လည်းဖြစ်ပါတယ်။ ဒါ့အပြင် လုပ်ငန်းရှင်တစ်ဦးလည်းဖြစ်ပါတယ်နော်။

Karlie Kloss ရဲ့ နာမည်အပြည့်အစုံက Karlie Elizabeth Kloss ဖြစ်ပြီး သူမကို ၁၉၉၂ ခုနှစ် ဩဂုတ်လ ၃ ရက်နေ့က အမေရိကန်နိုင်ငံ၊ ချီကာဂိုမှာ မွေးဖွားခဲ့တာဖြစ်ပါတယ်။

သူမ အသက် ၁၇ နှစ်အရွယ်မှာကတည်းက Vogue Paris မှ ထုတ်ပြန်ကြေညာခဲ့တဲ့ ၂၀၀၀ ခုနှစ်ရဲ့ ထိပ်သီးမော်ဒယ်လ် အယောက်သုံးဆယ်ထဲမှာ တစ်ဦးအပါအဝင်ဖြစ်ခဲ့ပါတယ်။

၂၀၁၃ ခုနှစ်ကနေ ၂၀၁၅ ခုနှစ်အထိ Victoria’s Secret ရဲ့ Angel အဖြစ် လျှောက်လှမ်းခဲ့ပြီး နောက်ပိုင်းမှာတော့ နယူးယောက်တက္ကသိုလ်မှာ ပညာသင်ကြားဖို့အတွက် နှုတ်ထွက်ခဲ့ပါတယ်။