အားလုံးပဲ မင်္ဂလာပါ။ သင်က အရင်က အားကစားမလုပ်ဖြစ်ခဲ့ပေမယ့် အခုချိန်မှာ လေ့ကျင့်ခန်းလုပ်ချင်စိတ်ပြင်းပြနေတယ်ဆိုရင်တော့ ဒါက သင့်အတွက် ဂုဏ်ယူစရာ စိတ်ဓာတ်တစ်ခုပါပဲ။ အားကစားလုပ်တာက ကိုယ်ခံအားတက်စေသလို သင့်ကို ပိုကျန်းမာစေပါတယ်။ သင်က အခုမှလေ့ကျင့်ခန်းစလုပ်မယ့်သူဆိုရင်တော့ လွယ်ကူတဲ့ လေ့ကျင့်ခန်းတွေကနေ စလုပ်သင့်ပါတယ်။

ဒီတော့ ၉ မိနစ်ပဲ အချိန်ပေးရမယ့် အဆီကျတဲ့လေ့ကျင့်ခန်းကို ဖော်ပြပါရစေ။ အောက်မှာပြထားတဲ့ လေ့ကျင့်ခန်းတွေကို သုံးခါ Repeat လုပ်ပေးရပါမယ်။

၁။ Jumping Jack စက္ကန့် ၃၀

Photo Source: Chelsea Charms

  • ခြေထောက်နှစ်ဖက်ကို ပခုံးအကွာအဝေးထားပေးရပါမယ်။
  • ပြီးနောက် ခြေထောက်နှစ်ဖက်ကို ချဲကာ လက်နှစ်ဖက်ကိုလည်း အပေါ် လွှဲပေးရပါမယ်။
  • နဂိုပုံစံကို ပြန်သွားပေးရပါမယ်။

၂။ Butt Kicks စက္ကန့် ၃၀

Photo Source: TrainHardTeam

  • တင်းပါးကို ခြေထောက်နောက်ပြန်ကန်တဲ့ ပုံစံမျိုး ခုန်ပေးရပါမယ်။

၃။ Plank စက္ကန့် ၃၀

Photo Source: Popsugar

  • စက္ကန့် ၃၀ Timer ပေးပြီး Plank ထောက်ပေးရပါမယ်။
  • ပုံထဲကအတိုင်း ခန္ဓာကိုယ်ကို တစ်တန်းတည်းထားပြီး ဗိုက်ကြွက်သားကို ညှစ်ပေးရပါမယ်။

၄။ Crunch အိပ်ထမတင် စက္ကန့် ၃၀

Photo Source: Pinterest

  • လက်နှစ်ဖက်ကို ခေါင်းနောက်ထားပေးရပါမယ်။
  • ဒူးကို ကွေးလျက် ကြမ်းပြင်ပေါ် လဲလျောင်းပေးရပါမယ်။
  • ပြီးနောက် ဗိုက်ကို အားပြုပြီး အပေါ် ပင့်ပေးရပါမယ်။

၅။ Lunges စက္ကန့် ၃၀

Photo Source: Giphy

  • မတ်တပ်ရပ် အနေအထားနဲ့ စတင်ပေးပါ။
  • ပြီးနောက် ညာဘက်ခြေထောက်ကို ဒူးထောက်တဲ့ပုံစံ လုပ်ပေးရပါမယ်။
  • ဘယ်ခြေထောက်ကိုလည်း ညာခြေထောက်လို တစ်လှည့်စီပြုလုပ်ပေးရပါမယ်။

၆။ ထိုင်ထ Squat စက္ကန့် ၃၀

Photo Source: Robertbp.com

  • လက်နှစ်ဖက်ကို ရှေ့ဆန့်ထုတ်ပြီး အားယူနိုင်ပါတယ်။
  • ကိုယ့်တင်ပါးကို အားပြုပြီး အိမ်သာဘိုထိုင်မှာ ထိုင်ချသလို ထိုင်ပေးရပါမယ်။
  • ဒူးကို အားပြုပြီး မထရပါဘူး။

By MyStyle Myanmar