နွေရာသီနဲ့လိုက်ဖက်တဲ့ ပေါ့ပေါ့ပါးပါး အဝါရောင်ဖက်ရှင်လေးတွေ

မင်္ဂလာပါ ပျိုမေတို့ရေ။ ဖက်ရှင်နဲ့ပက်သက်လာရင် ကိုယ်ကြိုက်တဲ့အရောင်လေးတွေ ဒါမှမဟုတ် Trend ဖြစ်တဲ့ ကာလာလေးတွေ ရွေးဝတ်ရတာကြိုက်တဲ့သူတွေရှိလား။ ဒါဆိုရင်တော့ အခုလိုနွေရာသီနဲ့လိုက်ပြီး ဘယ်တော့မှမရိုးတဲ့ အဝါရောက်ဖက်ရှင်လေးတွေ Try ကြည့်သင့်ပါတယ်နော်။ အဝါရောင်က ဝတ်လိုက်တာနဲ့ စိတ်ကိုလန်းဆန်းစေသလို ကာလာတောက်တောက်လေးဖြစ်လို့ လူငယ်လည်းဆန်ပါတယ်။

အဝါရောင်ကိုမှရွေးချယ်ဝတ်တတ်တဲ့သူတွေဟာ ခေတ်မှီပြီး ခရီးထွက်ရတာ၊ စွန့်စားရတာကို ကြိုက်တဲ့သူတွေပါ။ လွတ်လပ်ပွင့်လင်းပြီး ပျော်ပျော်နေတတ်တဲ့ Vibe ရှိတာမို့ ဘေးမှာရှိတဲ့သူတိုင်းကို အပျော်တွေကူးစက်အောင် ဖန်တီးနိုင်တဲ့သူတွေဆိုရင်လည်း မမှားပါဘူး။ ဒီတော့ အဝါရောင်ကိုကြိုက်တဲ့သူတွေ၊ နွေရာသီမှာ အဝါရောင် Outfit လေးတွေ ဝတ်ချင်တဲ့သူတွေအတွက် ရှိထားသင့်တဲ့ ပေါ့ပေါ့ပါးပါး အဝါရောင်ဖက်ရှင်လေးတွေကို ဖော်ပြပေးလိုက်ပါတယ်။